تواريخ مهمة في الماضي تسجل بالسنوات نظرا لأهميتها ومدى تأثيرها على الناس ..
" سنة الغرقة"، " سنة الجوع "، " سنة الرحمة " الخ.. والأهم سنة الروعة :


إندلعت سنة الروعه أواخر عام2007م وأستخدم اليوزرات المتحاربه أقوى الأسلحه النفسية الفتاكه .. ونتيجة لذلك حلّ الدمار بالبر والبحر (قصدي في الراس والقلب والبنكرياس .. )

في أواخر 2096م كنت جالساً متكوماً في إحدى زوايا المجلس أتابع أحدث الأغاني العربيه عبر شاشة التلفاز
متحسراً على ذلك الزمن الجميل وذلك الفن الراقي (أيام زمان) متمتاً بالأغنية الخالدة (شخبط شخابيط لـ عملاقة الفن الأصيل : نانسي بنت عجرم ..) << آه زماااااااان يافن ؟ .. <<<ماصله أدري
وفيما أنا أتنقل بين القنوات الغنائية البالغ عددها 15616قناة معتمدا على عصاي المهترئة .. دخل علي ولد ولدي رمادي الصغير .. وانا اللي أرتبش وأختبص وأطفي التلفزيون وأعدل شماغي الي ما أنغسل من يوم ماكان أبو جهل مراهق ..
أستغرب ولد ولدي حركتي هذي وشك بالموضوع ودرا أني خبيث(ن) مخبث.. وعندي شي ..


وقال وش عندك ياجدي رمادي ؟..

قلت: أبد شوفة عينك .. مخدرات !! وأنا أبوك!! وش أنت شايف أنت ووجهك؟ ماعندي إلا عصى وحبوب السكر والضغط وش تبي؟ أنزلع لأمك لابارك الله فيك ولا في أمك ولا يهون أبوك .. وفي هذه اللحظة دخلت أم رمادي ومعها العشا .. ويوم شفت العشا إرتفع ضغطي لدرجة الغليان وقلت برعونه: كل يوم رز ومرق جاااااااااانا أرق .. من سنة الروعه وهذا عشانا ملييينااااااااااااااااا!!!!!نبي عشا زي الناس ..مثل العشيات(جمع عشاء) اللي بالمسلسلات السورية ..
كل يوم رز ومرق رز ومرق وإن تطورنا حطينا قرصان .. وش هالعيشه .. خاست بطوننا ..<<أحمد ربك على النعمه أنت ووجهك

رمادي الصغير ولد ولدي نط بوجهي <<تقل جني وقال لي:
جدي وش هي سنة الروعه ؟
ما أمداه يكمل الا وأمه تجره من أذنه وطلعت به من المجلس..
وأنا اللي أتبردق بالعشا .. وتعشيت وعينت من الله خير وأكلت علاجي ومددت سيقاني وأخذت ريموت الدش ناوي أفره على الهوت بيرد.. عشان أشوف آخر أسعاركيلو البردقان والبطيخ<<<الله من زين التصريف..
وأنا جالس أفر بهالقنوات وأتفرج على أسعار البردقان والبطيخ وهي ترتفع وتنزل ..
طب علي حفيدي رمادي الصغير .. وتلخبطت أوراقي وأنخطف لوني وضاعت علومي<<< اللي في بطنه ريح مايستريح
وقمت أصلي في مكاني .. يوم همزني حفيدي بكل خبث وهو يقول: جدي القبله مهيب منا..
أنا ألتفت عليه وودي أمزعه بوز بس ماش ماهنا نشاط وقوة راحت مع الزمن الأغبر
وأنا أقول : وش علتك يامال اللّي يوم أنك مسوي فوق راسي إمام مسجد حارتنا وش تبي ياثوور<<<[color=#708090]طالعه من قلبcolor]
؟؟؟؟؟؟؟؟
قال : أبي تعلمني وش هي سنة الروعه أسمع المدرسين يقولونها وأمي تقولها وأنت قلتها بعد أبي أعرف قصص أجدادي
قلت : الله من زين أجدادك بعد <<<--- .. ولوتدري عن جدك العميد اللي سبب هالمعركه كان تمنيت انك ما بعد أنولدت الى الحين .. ولا يصير العميد جدك!!
قال : وش فيك جدي حاقد عليه كل هالحقد!!؟؟قلت له: شلون ما أحقد عليه ؟ وقلبي بغى يوقف بسبته وصابتني غلقه وغمتة وحالة نفسية مستعصية .. حسبي الله على اللي كان السبب!!
هنا تحمس حفيدي للقصة وسالفة سنة الروعة وقام يترجاني شويّ يحب يديني ورجليني.. وقررت أني أقولة بعد ماجابت حبوب الضغط مفعولها وروقت <<<-- ماصارت حبوب ضغط صارت حشيش
جلس رمادي الصغيرعندي وقلت له القصه من بدايتها حتى نهايتها مع بعض الزيادت الغير ضارة بإذن الله عشان حبوب الضغط جابت مفعولها وبقوّة ..
فــ إلى القصة:؛؛؛
-
-
كان هناك شخص يدعى العميد بن زلمعة .. كان جباراً وطاغية متسلطاً .. وذلك يرجع لأسباب مجهولة غير معروفه لأي من المؤرخين الذين عكفوا لدراسة تاريخ العميد الغامض
أرجح الأقوال كانت تقول: أنه كانت عنده مشاكل كثيرة وعميقة في صغره أثرت عليه .. عندما كبر وبلغ.. أصبح متسلطاً وطاغية ومتجبراً
وشعب الوجد الكيوت الرقيق جداً كان الضحيه ودفع ضريبه تلك الحالة النفسية الهستيريه التي وصلت به الى الحضيض..
كان العميد لديه نفوذ سياسي ولدية علاقات مع بعض دول الجوار وسمعته وأسمه تصدح بين أرجاء المعمورة ..
كانت علاقتي مع العميد رسميّة جدا وكنت أحترمه وأقدره لأنه هو من علمني المقولة الشهيرة(الحظ مع البقر)..
ولأني كنت أشوفه أمنية كل فتاة عذراء .. (أيه هيّن)
ماعلينا ألحين من العميد وسوالفه خلونا في سنة الروعه الشهيرة .. سنة الروعة راح ضحيتها الكثير والكثير
أصابت الكثير بحالات نفسية مدمرة مستعصية .. أشبه بمحرقة هتلر .. أحرقت الأعصاب والأنفس والقلوب الولهانه
شعب الوجد الرقيق مات مقهوراً مظلوماً .. والسبب إستكبار العميد وعثوّهٍ بالأرض فساداً..
كان الوجد والوجوديين يعيشون في هناء وسعاده منقطعة النظير .. .. يعيشون بـ راحة بال..
يتبادلون الأخوّة البريئة على الملأ .. بدون تحفظ .. ومهما أبتعد أحدهم تجد من يسأل عنه .. ويبحث عن أخباره
كان الوجد كل مايتمناه المرأ ..
وياغافلين لكم الله ..
بداية الروعه ..
كان العميد يتجول في أرجاء مملكته الوجد متفقدا أعضائة وأقسامه .. حاملاً عصى غليظة من خشب السنديان متمنياً أن يجد من تسول له نفسه بالإنحراف عن قوانين مملكة الوجد (فيوسط )العصى رأسه بدون رحمة ولا شفقه ..
وأثناء توجهه لأحد الأقسام .. حينها!!!!
شاهد الطريده .. تتجول بكل نشاط وهمه بين الوجد وأقسامه .. من هي؟..
.
.
لن أطيل عليكم

من غيرها .. أنها غيداء الراقيه .. الفرفورة
كانت غيداء تتجول بنشاط وحيوية وإبداع منقطع النظير .. مشعللة الوجد وناثرة بين أخوتها البراءة والرقي
مشيعة جو من الألفه والمحبه بينهم..
وقف العميد متابعا لها . ولهم. ومن خلف النافذه راح يراقب بعينه الأشبه بأعين الذئب حينما (يسبر ) له طريده (دسمه).. فعض العميد شفتيه من الغيظ حينما شاهد هذا الجو الراقي بينهم فأخذ يضرب رأسه بعصاه ..وفجأة خطرت له فكرته الجهنمية .. وبدون رحمة
قال لعميد في نفسه الحين انا راح أسافر وأبنقطع عن الوجد كم يوم ليه ما أحوسهم شوي وأقلق راحتهم .. وش أنا خسران ..وخاصة العيد راح يجي بعد كم يوم .. خلني أخرب عليهم نياهاهاهاهاهاهاهاها .. (ضحكة العميد ماركة مسجلة بأسمه) تعالت ضحكة العميد بين أرجاء مملكة الوجد
فكتم ضحكة سريعا وهو يلتفت يمنة ويسرة خوفا من شعور أحد به .
فرسم خطته سريعاً وهو يتخيل ما سوف يصيب شعب الوجد العظيم وهو يقول لماذا لا أجعل من غيداء طرفا بالموضوع فأصيب عصفورين بحجر واحد ..( أحوس الوجد من جهه وأجعلها شريكة لي لكي لا أتحمل الوزر وحدي)
نياهاهاهاهاهاها .. تعالت مرة أخرى ضحكة العميد المميزة المجلجلة .. فوضع يده على فاه بسرعة كاتما ضحكته.. وهو يصفع نفسه على تهوره ..قائلا لنفسه : أركد أنت ووجهك كلها شوي وتضحك عليهم ألين ينفقع بطنك
وبإبتسامه صفراء تعلو وجهه ذهب الى لوحة التحكم الخاصة به معتمدا على أطراف أصابعه بخطوات سريعه (بالعربي يقامز).. وبدأ بتنفيذ مخططه الخطير و المخيف
فخاطب الضحية أن توافقه على طلبه بدون أن تعرفه (لعبتها صح يالعميد.. أنا أشهد أنك ذيب خطيييييير)..

وألح العميد عليها بأن توافق على طلبه بدون أن تعرفه .. .. بإلحاح شديد اللهجة ..
وبكل براءة وأدب ردت الغيداء على طلبه بالموافقه على بياض بدون ان تعرف ما ينوي العميد ان يفعل .. (للأسف واثقه فيه ..) ..<<<أي براءة الله ألا قل خايفه!!منه لأن العميد يروّع ودايم يتمشى بعصاه والعميد معروف يده والكف على طوول بدون تفاهم..
وإنتظر العميد فترة من الزمن لم يخبر غيداء بطلبه .. إمعاناً في حرق الأعصاب (تخصص للعميد)..
وأنتظرت غيداء وأنتظرت .. وطال إنتظارها .. فأوجست في قلبها خيفة من العميد وماهية طلبه ..
وأخذت تتحدث لنفسها قائله: ياربيه شي يبي هالعميد؟ وش هو طلبه اللي خلاني اوافق عليه من دون أعرفه ؟

أيه والله شكلي توهقت .. وطحت ولا أحد سمّا علي.. آه لو أني سفهته ولا رديت عليه كني ما دريت..كان أنا مرتاحه الحين ولا شلت همّ.. يعني خله يمحطني بالعصا وش يبي يصير يعني كلها كم يوم في المستشفى وراجعه للوجد بنشاط..
.. وش يبي يضر يعني ..
وفيما هي مستغرقه بأفكارها وهي توديها يساااااااار وتجيبها يميييييييييييييييييييين ..
رد العميد أخيراً ....
لكن ماكان طلبه؟ ...
رواية أولى
لقد كان طلبه غريب وعجيب!!! .. يحمل كل غرابة يمكن أن تتخيلها العقلية البشرية .. كانت فكرته جهنمية لاتخطر على بال مخلوق يتمتع بقليل من الرحمه والرأفه ..
كانت فكرته بأن يجعل من الوجد حلبة للإقتتال وتفريغ الشحن النفسي كان قصده أن يجعل جميع من في الوجد تصيبه صاعقه عقليه تشل تفكيره ..تشل الأنفاس وتقسو على القلوب.. بدون سبب .. ولكن لشيء كان يقرقع في قليبه المتسلط..المتجبر..(الله يكافينا شره).
كان يريد تحطيم المعنويات والطموح المتوفر بكثرة لدى الوجديين .. يالهذا التفكير الجهنمي يالعميد بن زلمعه ..
وفي رواية أخرى ضعيفة السند والمتن جداً جداً تصل الى حد الروايات الموضوعه ..
..( كان قصد العميد أن يشاهد وأن يختبر مقدار التلاحم والترابط الموجود بين شعب الوجد العظيم)
ولكن هذه الرواية لم تصل الا عن طرق مشبوهه ومن رواة غير مؤهلين.. فَصُرِف النظر عنها ...
المهم ..نرجع لقصتنا ..

وإعتماداً على الرواية الأولى..
طلب العميد من غيداء أن تمتثل الى أمره وتختفي عن الأنظار لفترة يحددها هو ..
غيداء : ليش ؟
عميد: بس هيك .. !!
غيداء: طيب وش مبررات الغياب يعني ممكن تفهمني لو سمحت..
عميد : الفكره هي اني ابسوي مشكله وأسوي لك باااااااند أقشر ما أخليك تعتبين الوجد كم يوم !!
غيداء : أفا طيب ليش؟
عميد: أنا أبخص .. وانت وافقتي مقدماً وخلاص مايمديك تتراجعين .
غيداء: طيب ممكن أعرف وش هي أساس المشكلة اللي تبي تحطني فيها ..
عميد : يعني مصرّه؟؟
غيداء : لو سمحت اذا كان ممكن عميد : راح أشيع على الملأ أنك لعبتي بالقش وحستي الوجد وأتلفتي المال العام .!!!! وأنك عثتي بالأرض فساداً
وعشان كذا راح أعطيك باند وبلوك محترم مؤقتا بيني وبينك ( ناويها على طول بس الشرقديه ما خلوه على راحته )
غيداء : لااااااااااااا حرام عليك انا وش سويت ؟ وليه كل هذا ؟
عميد: خخخخخ لا تخافين كلها كم يوم وأرجعك بس حاب اني أشوف مقدار التلاحم اللي موجود بالوجد وهل أنهم راح يهتمون ولا ما يطقون لك خبر .. (مو قصده بس ناوي يخربها ويقعد على تلها) ..
غيداء: طيب مالقيت الا أنا ؟
عميد: أقول لا يكثر خلاص قضي الأمر وبديت الحين أشيع الخبر في كل الشوارع والأزقه الموجوده بالوجد بداية بكبار الجماعه .. المشرفين والمراقبين والقضاة والسفراء .. وخليك معاي ولا أسمع من أحد اللي دار بينا والا مايصير خير
غيداء : طيب أختي صدى لو سألتني وش أقول ؟ ما أقول لها شي؟
عميد : أيه لا تقولين لها شي وصرفي بأي موضوع . خليها أحسن عشان تكبر السالفه وأستمتع بالمشاهد اللي راح تصير ..
غيداء: الحين خلاص يعني ما فيه تراجع ..
عميد: لألألأ
غيداء : أمري لله .. شورتك وهداية الله ( كن جازلها الموضوع)
..
بدأت تسري الأخبار بين الناس .. كالنار في الهشيم .. تعالت الأصوات .. وأزبد وأرعد كل من عرف غيداء وتعامل معها .. وبعضهم أصابه الوجوم وعقدت الدهشه لسانه وإنذهل الأكثريه .. ومنهم من أصابه جلطة من هول الخبر
وأخذ بعضهم يركض من غير هدى ويتخبط بجدران الوجد من غير شعور ..
وأما من كان غير موجود فقد رحمه الله من هول الصدمه والمحنه التي وضعها عميد للوجديين ..
كل هذا والعميد يتفرج ويضحك بملئ شدقيه .. ماسكا بطنه من شدة الوناسه ..(ياقاسي ياعميد)
بدأت حالتة الشعب تتدهور نفسيا وجسديا وعقليا .. أشتدت حالة الهذيان بين الناس مستنكرا ومنددا بما حدث
فأخذ بعضهم يناشد العميد ان يتراجع عن قراره الذي إتخذه بشكل فردي ..
فكان رد العميد بارداً جافاً يفيض إستكبارا وتسلطاً .. مما حدا بالناس هناك بأن يعلنوا الإحتجاج العلني ..وإعلان التعبئة العامه بمقاومة هذا الحكم الدكتاتوري .. بقيادة قائد القوات البريه :الجنرال جيرانيمو .. وقائد القوات الجوية :اللواء العزم كله .. ورئيس الإستخبارات : لواء ركن نسر قرطاج .. ورئيس الحرس الجمهوري : اللواء مران.. ونائبه :العقيد عذب الإحساس..والعميل اللوجستي: محمد أشرف و بتوجيه خفي من نائبة الرئيس الدكتاتوري .. صاحبة الجلالة صدى الصمت .. فقد كان لها اليد الطولى في هذه الحرب وسبب رئيسي لتفوق قوات الموقاومه المشروعه .. على الحكم الظالم والغاشم ..
وهنا قاطعني حفيدي رمادي الصغير قائلا : كل اللي عديتهم على عيني وراسي بس انت وينك عن السالفه كلها .. ما أشوف لك سنع بالموضوع .. يعني قاعد تتفرج ولا شاركت بالمقاومة ... وأردف ساخراً .. وتقولي بغى يوقف قلبي وماأدري أيش .. وهذي أخرتها ..ساعتها لو أني لي قوة كان شقيت بطن حفيدي ورقصت على أحشائة بس ماأقوى ..
أنا: يالوح ياقليل الأدب .. ماتستحي انت وجهك .. انا ماكنت موجود كنت مسافر وكانت هذي فرصة العميد أنه ينفذ مخططه الشرير .. والحقيقه اول رجعه لي للوجد دخلت المقلط وشفت الإعلان اللي مسويه العميد .. بغى يوقف قلبي ودارت بي الدنيا .. ولأني معروف بالركادة والثقل ما تسرعت ورحت طبيت في بطن العميد أول شي مريت المجلس العام وشفت السالفه كلها .. من طأ طأ للسلام عليكو..
بس هذا ما يمنع اني صابتني جنيه من هالفترة البسيطة اللي عشتها .. تحت تأثير الصدمه ..
الحين فهمت يالثور .. ؟
حفيدي: أيه الحين فهمت (وجه كاتم الضحكه)
أنا : تبي تخليني أكمل والا شلون ؟
حفيدي: كمل كمل مالنا غناة عنك يابعدي(أنواع الترقيص ..)
أنا : أبكمل وإن قاطعتني لا تلوم الا نفسك ..
حفيدي: طيب طيب !!
المهم ..
إشتدت حدة المقاومه والإضراب العام جاب مفعولة وخلى العميد يراجع حساباته .. لأنه ماتوقع ردة الفعل هذي تكون بهذه الشدة وخاف على كرسية من أنه يطير وقبلة يطير راسه .. وحاول يرقعها ويغطي البلاوي اللي سواها..
بس هيهات الوجديين الشرفاء كانوا له بالمرصاد .. فضيقوا عليه الخناق حتى كاد أن يختنق ..
وبحاولة يائسة أخيره أعلن العميد تراجعه عن مخططه.. ووضح في مؤتمر عقد في كامب ديفـد.. أن خطته كانت بتوجيه من غيداء وأنه كبش فداء (شفتي ياغيداء وشلون قلب عليك العميد) وأن قصده برييييييييييييييئ جداً
وحاول أن يرى بأم عينه مدى التلاحم بين الشعب .. وإذا بغيتوا تحاسبوني لازم تحاسبون غيداء قبل ..
...هين يالعميد .. ماتمشي علينا هالحركات .. !!!
كانت ردة فعل المقاومة الشريفه .. الرفض القاطع لهذا المؤتمر وما جاء فيه ..فقرر المجلس التشريعي للمقاومه التالي:
لفت نظر للعميد بن زلمعه وقرصة أذن وإن أعاد الكرّة يتم نتف أذنه من عروقها ..
وتنبيهه بأن لا يتخذ أي إجراء الا بوجود عدد 2 مشرفين فأكثر موقعه بأسمائهم .. وإلا يكون الإجراء غير دستوري
مصادرة العصا التي بحوزة العميد حتى يتم فحصه من قبل أخصائيين .. ومعرفه هل هو مؤهل لحملها وان لايكون هنا خطورة على من هم حوله
فأصيب العميد برباط صليبي في مخه .. وشد عضلي في أنفه ألزمه الفراش لمدة أربعين يوماً( نفاس الا شوي)
:
وهنا رجعت غيداء الى أهلها وناسها وأخوانها بعد أن تحررت من جبروت العميد .. وعمت الفرحه أرجاء المعموره
ولكن هيهات ان يندمل الجرح ويرجع العقل لما كان عليه .. فقد كان وقع تلك المصيبه قويا ومخيفا .. نسأل الله السلامه
..
وهذي يارمادي البثر قصة سنة الروعه الله لا يعيدها .. فيه سؤال والا أقضب الباب .. وخلني أنام ..
رمادي قام يناظر فوق ومطير عيونه كنه يدور سؤال ضايع من مخة.. ثم قالي : جدي الحين وش صار على العميد
أنا : الظاهر أن الوجديين نفوه من الوجد وحطوة تحت الإقامه الجبريه في محمية في الربع الخالي .. وكل يوم يطلعونه في النفود ويقولون له طلّع لنا تفاح وموز والا الخيزرانه جاهزة.
والحين يارمادي أقضب الباب وأذلف عند أمك ولا أوصيك أرقد بالنص بين أمك وابوك خرّب عليهم..
رمادي قام من عندي وانا قرّبت العصى وكيسة الادويه وحطيتها عند فراشي وغمضت عيوني وفتحتها بشويش عشان اشوفه اذا طلع .. ولما طلع رمادي من عندي ,, استقعدت على حيلي وحطيت الشماغ على راسي وصكيت بنت البكار وولعت زقاره وفتحت الدش ابي اشوف الهوت بيرد وعلى كم وصل سعر كيلو البردقان ..!

أ. ه.
القصة من كتاب ((الرّوْض الرمادي)) باب ماجاء في [[ سنة الروعه .. خلونا في لوعه]]..
للمؤرخ الشيخ العلاّمه/ رمادي بن قدامة المقدسي الظاهري..( قدس الله سره )وزير الدولة وحامي بيت مال المسلمين


ملاحظة:

أبعدوا الألوان عن هالقروي

ههههههههههههههههههههههههههههههههههههههههه
خلاص فطست من الضحك ويا ويلك من عميد

الله يعزك يا رمــــــــــــادي

رواية وتصوير ولا أروع ..

تسلم يا الغالي على ابداعك ..

رمـــــــــــــــادي ..
والله انك مبدع مبدع مبدع ..
خيال جميل ورائع كروعتك ..
اهنيك على هذا الاسلوب الجميل ..
يعطيك الف الف الف عافيه ..
وتقبلي تحياتي ..
دمت بود..

ههههههههههههههههههههههههههههههههههههههههههههههههههه
ابداع + خيال واسع = رمادي
استمتعت جداً بالقراءة
شكراً لك

مشكوررررررر

مشكور اخي مع انك كنت متسلط في روايتك على العميــــــــد