يسعد ربي مساك بكل الود والفرح يا مايكل


شوف الصج أنا أول مرة أسمع بالأكلة هذي لكن ولا يهمك وتكرم عينك


بسوي لي بحث بإذن الله في كل منتديات نجران وأجيب لك طريقتها

شلون ضم الضاد والكلمة ماكو حرف ضاد فيها

تسلمين يا إشراقة الوجد ومعليش على الخطأ الفني
إلي أقصده ضم الراء مو الضاد <== شكله كان سرحان لما كتبها خخخخخخخخخخخ
وتم عديلها فوق
هذي الأكلة تشبه العصيدة وهي أكلة شعبية مشهورة جداً في نجران
والي أعرفه عنها أنها مكونه من عجينة دقيق البر والماء
وصنعها (طبخها أوكيفية عملها) بطريقة معينة
ثم وضعها في طبق خاص لأهل نجران وعمل حفرة في الوسط ووضع السمن والعسل والرب

ويارب تلقين الطريقة يا غيودة
أخوك الشاكر لك .. مايكل سكوفيلد

صباح الغلا والسعادة مايكل سكوفيلد


أعتذر لك وايد عـ التأخير لكن والله عندي ضغط شوي بالدراسة الفترة الماضية


بس سويت لك بحث وحصلت وايد طرق عمل لها لكن جبت لك أوضح طريقتين من أهل نجران


لأنهم كاتبين شرح لبعض معاني الكلمات غير المفهومة


لكن أكو كلمات غير مفهومة إن شاء الله أنت تعرفها

اقتباس:

عليك بإحضار التالي : سحله في نصها طحين مويه حيده سمن مدهن سلاه من نوع تيفال عشان مايلصق العجين <<< يعني مقلاة .. هذي أنا عرفتها يا مايكل صحن فيه طحين طريقة العمل تعجنين الطحين في وسط السحله وتصبين مويه ولا تخلين العجين يجي خفيف خليه نص ونص ثم تضعين السلاه على النار وتحطين العجينه في السلاه وبشكل مدور وتخلينها على نار هاديه وفي الجهه الثانيه خلي الحيد في النار عشان تجي مثل الجمره , وكذلك حطي السمن في قدر صغير خليه يجي حار وبعد ما تستوي العجينه أقلبيها على وجهها الثاني وانتبهي على الي في النص لازم يكون أوكيه ثم طفي عليها لما أستوت وحطيها في المدهن وفتيها فتيها فتيها ثم خليها على شكل دائره في وسط المدهن ثم ابقسيها من النص وأنثري السمن في الحفره ثم شلي الحيده لما قد هي حاره وأنذحي بها في صحن الطحين وقلبيها في الطحين ثم أرجميها في السمن الي في الحفره وبيقعد يبربر وصحتين وعافيه

اقتباس:

تسلمين يا إشراقة الوجد ومعليش على الخطأ الفني إلي أقصده ضم الراء مو الضاد <== شكله كان سرحان لما كتبها خخخخخخخخخخخ

يسلمك ربي وعادي ولا يهمك

أو أنت تسويه بس يبي جهد ووقت والجاهز أفضل

وإذا أكو شي مو مفهوم قولي وأسوي لك بحث عنه <<< ما عندها غير البحث

يسعد مساكي يا إشراقة المنتدى كله ..
يعطيكي ألف عافية على الطريقة الواضحة والصريحة ..
أرجو تقبل شكري الذي لا أعرف كيف أعبر عنه ..
أخـــــــــوكي .. مايكل سكوفيلد

يعني شيف غيداء ما قصرت


يعني الدرس واضح

التعريف .. والتلخيص ... وطريقه الاكل

فهمت كل شي


انشالله مايكل يكون عملها وكل الامور تمام


مشكوره غيوده

يارب تكون اتوفقت يا مايكل