همسة غلا جتني على غير ميعاد=يا زين همسات الغلا بين أهلها
همسة غلا جتني تباشير وأعياد=بحضورها عيني فرح تبتهلها
أخيل برق الوصل يتبعه رعاد=يمطر على روحي ويروي سهلها
عادت سعادة ناظري والفرح عاد=غنابها شعري وقلبي إحتفلها
همسة غلا والشوق في جيتك زاد=شوق ملا قلبي وروحي شملها
همسة غلا شوقك كما الجمر وقاد=أحرق ضلوعٍ بالمحاني إشتعلها
همسة غلا والقلب في قربك إعتاد=وغيبتك ياعمري أبد ماحتملها
لك المشاعر يا غلا صدق تنقاد=ركاب قلبي يم قلبك حملها
همسة غلا يا مشرب الروح والزاد=يا شمعة الدنيا وشمسي وأملها
لك منزلٍ مكانته روس الاشهاد=ولا غيرك أحدٍ يا غناتي وصلها

هلا والله وغلا في العزم كله


نوّرت بحضورك القوافي وأسعدتني والله في مشاركتك


وربي يسلمك ويسلم ذوقك كلك لطف وربي


لكن الصج صدوي تقول ذوقي مو حلو


والجمال والروعة في تواجدك ربي يسعد


منوّر العزم كله

يا هلا والله وغلا ومراحب في حمود


وحياك ربي نوّرت والله المتصفح بهالطلة


وربي يسلمك ويخليك كلك ذوق ولطف


ويسعدني والله تواصلك دوم ويانا ربي يسعدك


منوّر يا حمود