أبعاد 00 حي لك أبعد من البعد 00 وعزمي بعيد ومحتوي كل الأبعاد
وكلمة عهد تكفيك عن جملة الرد 00 لوحال من دونك عواذل وحساد
وغلاك يامركوزة العنق والنهد 00 ماجدت في حبي لغيرك ولوجاد
ياراح ياريحان يافل ياورد 00 ياشوق يامعشوق ياعطر ياكاد
ياكل او ياجل من كل يافرد 00 ياسيد السادات ياعز من ساد
يامن عليه الدمع يجري على الخد 00 هليل رش(ن) صادق النو رعاد
طال الجفا والهجر والبعد والصد 00 وحال النوى مابين قلبي وماراد
ولو طال بعدي يالبعيدين ماهد 00 ماهد لكم شوقي ولو كنتم أبعاد
وجدي عليكم وجد من هزه الوجد 00 على ففيد(ن) دونه الموت محتاد
لاقادر(ن) يسلى ولاقادر يرد00 يصفق به الهوجاس يقفي ويرتاد
مشتاق ياراع الخديد المورد 00 يانابي الردفين ياغض الانهاد
مشتاق لك بالحيل شوق(ن) بلاحد 00 كل لاذكرت الشوق والشوق بي زاد
تصفقني الدنيا على الجزر والمد 00 ويبقى غرامك ثابت(ن) مثل الاوتاد

اشراقة الوجد 00 غيدا00
اسعدني مرورك واخجلني ثنائك 00 دمتي بالقمة دائما 00