على فكره مسحت الرقم لجل إبليس يفهمني ..








إذا هذا حـلا صوتـك كـذا بلحالـه أتعبنـي
وخلاني أعيش الحب بـأول كلمـه اسمعهـا
اجل وشلون لا ضمت عيوني مـن تكلمنـي
وذابت راحة الكفين بلمسـه مـن اصابعهـا
ثواني قلت لـي فيهـا هـلا بالله تسمعنـي
وأنا وضعي على الصامت هلا يا بخت سامعها
سألتيني على نوره وصوتـي جاوبـك عنـي
تراني البس الغتـره وعينـي مـا ابرقعهـا
ضحكتي يوم قلنالـك نعـم أهليـن آمرنـي
وأضنيتك تـدوّر لـك بطاقـه لجـل ادفعهـا
بعد ما كنت أنا شاعر ويتعب مـن يحاورنـي
غديت اليوم مثـل طفـلٍ والكلمـه اتعتعهـا
شبيه الثلج ا أنا أصبحت ونارك هي تذوبنـي
وتصهر خافقي اللي ذاب وأشواقـي تولعهـا
أنا اللي متصل ولا أنت هـذا اللـي مجننـي
وحتى نمرة الجـوال بكـم تبـدى مضيعهـا
وقلتيلي فمـان الله بضحكـه غيبـت ضنـي
لأن الود مـاوده صـدى الضحكـه يودعهـا
عرفت ان الأذن تعشق وليتك بـس تعشقنـي
وربي لعشق الدنيـا ولـو كثـرت مواجعهـا
تخيل لو تقول اهلاً ربيـع العمـر واحشنـي
يزيد مأشر الوحشه وسوق الحـب ترفعهـا ا
تخيل لو تجـي وتقـول انـا ودي تدلعنـي
وجي طاير على الطايـر وبأسلوبـي ادلعهـا
تخيل لـو خيالـي حلـم تحقيقـه تسجلنـي
تسجلنـي بعـد عمـري وزر التـم يتبعهـا
على فكره(مسحت الرقم) لجل ابليس يفهمنـي
ولا يفكر ابو الوسـواس ولا امـه ترجعهـا
ولو فكرت ياقلبي مـع الأشـواق تخدعنـي
وتحاول تخدع الصغرى وترجع تتصل معهـا
بسكين الشرف لقطع يمينـي لـو تعاندنـي
حلفت بربـي وربـه ورب الكـون لقطعهـا