من خفوقٍ مات خطّيت الوصاة = قلت اسطّرها لعين العاشقين
راح قلبي من ردا حضّه فِتات= وانتهى نبضه وعايـش ميتيـن
قال حبيت الطّبايع والصّفات = واللطافه حبّ والعقل الرّزين
وارتويته ماحسبت المبهمات= ماخذيت حساب غتْرات السنين
طلْت في حبه رؤوس العاليات= بالغرام امسيت سيد المغرمين
ويوم بانت لي حقايق خافيات =زدْت بجنونه وربّ العالمين
صارت دموعي لخدّي مرويات= والسّهر نادمْ لدمعات الحزين
عشت اهوجس به واعيد الاغنيات= يوم نسمعْها سوى متوالفين
وارجع لهمسه وكلّ الذّكريات= ضحكته ومْداعبه لي بالحنين
واذْكر لساعات ودٍ ماضيات= يوم انا ويّاه اروع هايمين
يوم نرسم للحلوم الغاليات= ونْتحذّر من عذول وحاسدين
آآآآه مارْوعْها هذيك المبطيات= كلّ ابوها من مشاعر تعترين
لاذكرته فاضت دموعي سكات= خايف افْضحْ حالتي للعاذلين
خايفٍ لومٍ يزيد الموجعات= والمخافه اقربون ومبعدين
هي ظروفٍ حسبي الله قاسيات= مدّها لي بعدها غاب الضّنين
انقطع حبل الوصال ووقت فات = حسبي الله ماجزاه الظالمين
صارت ايامي سواده كاحلات= والجدا تصفيق يسرا باليمين
رغْم هذا مامعاه اللي يبات= في خفوقٍ عاش له حارس امين
باقيٍ حبّه ليا وقت الممات= ماتنسّيه الخلايق اجمعين
ولو فيوم اسلا تصيح المؤلمات= ماسواه يفلّ عقْدات الجبين
لا ولا مثله بقرب وقاصيات= ولا سواه اللي عدل قرب الوتين
مير لي ودٍ ولو فيها شمات= ألتقي وياه في وقتٍ ثمين
أسكن بحضنه وامدّ الامنيات= توْقف الانفاس وآخرها ونين

هلا والله وغلا في بـــرق


ألف الحمد لله عـ السلامة زاد نور القوافي في رجوعك


وصح السانك مليوووووون ولا يسدووووووون


مبدع يا بـــرق ما شاء الله عليك


ربي يجمعك يا بـــرق في من تود ويسعدك العمر كله


ويا رب دوم نسعد بتواصلك وحضورك ويانا