جوال اخوي ويمه يمه يمه يمه !!!!!


السلام علاكم والرحمه

اعلومكم يالربع

ترى انا ماحب المقدمات ولا اعترفبها اصلا

الموهم هاليووم بقولكم سالفه لن ولم انساها في حياتي الدنيويه (( فيس يقول مناك بس ))

من فيكم يعرف اغنية (يمه يمه يمه يمه ياحبيبة ياعزيزه ياكريمه يامهمه يااول انسانه بقلبي واغلى انسانه عليا والله اني قد ماكبر ودي ببوسه وضمه)

كلبووكم تعرفونها الظاهر

المهم هالاغنيه منيب ناسيها في حياتي صارتلي سالفه معها خطيررره

الموهم اقولكم السالفه من البدايه



*

*

الساعه تشير الى الساعه السادسه والنصف

وامي العزيزه والمهمه تبدا بتقويمنا من النوووم

قومو ياعيياااااالي من النوم

والعااااالم مطنشينهااااا << مسكينه

عاد ترجع امي قم ياوليدي قم ياحبيبي يالبيبي وانا ساحبن عليها واشاااخر


وشوي مادريت الا هي جايه بالخيزرانه وهوووووووو وهووووووووووو قم لعنبو ابليس هالراس

وانا اللي انقز

ويتناقزون اخواني مع انهم ماطقتهم

بس اسمعو صوت الهووو حق الخيزرانه

عاد صحصحت انا طبعا الحين ((فيس مغمصه عيونه ))

ووقمت ولبست صروالي وفنيلتي ولبست ثويبي ولبست غترتي وخذيت جوالي وخذيت خمة فصفص وخذيت علك ومسواك وسبحه هلاليه وسلسله وخطاط وخاتم ودروسي منيب اخذها ابدن ابدن اخليها في الدرج حق المدرسه << وهذي دايمن اغراضي اللي اروحبها

الجوال اخذه عشان البلوتوثات والفله

والخطاط عشان اكتب به ذكريات على الجدران وعلى الماصات

والمسواك اسوكبه

والفصفص افصفصبه

والعلك اعلككبه (( فيس يقول بشر امك ))

وعاااد يوم جيت اطلع وانا اشووف جوال وخيي وتقوطرت سعابيلي عليه عشان عليه صووت جواله بن كلب تقل استريو مشاالله قلت تفكا ياوخيي خلني اروح بجوالك اليوم للمطرسه تفكا ترى تفكا تهز الريجيل قال هندزلللللللع مافيه

قلت ابك اقولك من اليوم تفكا وتعيي في الاخير

قال طيب وان مسكو جوالي وش اسويبك

وقعدت اناضره نضره استحقار وخبث قلت بالله عليك هم يقدرون يمسكوني اصلا انا ذيييييب ولد ذييييب

قال خذه وياويلك لو يمسكونك والله لاوريك

قلت ارقد وامن

قال خلاص

وانا اقوم واخذ جواله

صار معي جوالين هلحين

شوي مادريت الا ولد جارنا يضرب بوري طااااط طااااط

يالحوول

وانا انقز واركب معه

ووصلنا للمدرسه ونزلنا

ولو تشوفون جيوبي منفخه من كثر الممنوعات

هلمهم دخلنا الفصل

وانا القى اخوياي

اعلومكم يالربع اشلونكم

عاد طبعا اخوياي معهم جوالات مثلي

وعاد حنا فصلنا زحمه فيه اربعين طالب عدا ونقدا

والحصه الاولى فاضيه ماجا المدرس

وعاد طوول الحصه الاولى واخوياي مزعجيني بجوالاتهم هالمخيسه واغاني وقلق

عاد رنت الحصه الاولى وحنا مادرينا

قلت شباب باالله اصصص

وشوي واطلع جوال اخوي

واشغل يمه يمه يمه يمه ياعزيزه يامهمه

ومير ينرررج الفصل من قوة الصوت مشاالله

والعيال يقولون يووه ياقو صوته وانا عاااد متقطع من الفرحه

واقوم واخذ جوال صديقي وصديقي الثاني واخذ جوالي انا مهوب جوال اخوي << احد قال لك اشرح

واشغل اغنيه وحده بصوت ثلاث جوالات وصوتها طلع عايدي مهوب قوي مرره

واقوم واطلع جوال اخوي واشغل فيه نفس الاغنيه ويطلع صوته اقوى من الثلاث جوالات

قالوا العياااااااااااال يلعن اوووووومه من جوال (( اعوذ بالله من كل حاسد ))

وانا عاد بتقطع قلت اييييه وش عرفكم انتم بالجوالات

قلت خلاص خلاص

خلو اشغلكم اغنيه اسكتوا بالله شوي

واشغل اغنيه والعيال يقعدون يهزون رقبه وانا اقوم واصكها ماجازت لي الاغنيه

واقوم واشغل اغنية يمه يمه يمه يمه ياحبيبه ياعزيزه ياكريمه يامهمه

والعيال منسجمين

عااد جوال اخوي ذا صعب ماعرررفله مررره اذا شغلت الاغنيه تجلس ساعه عشان تطفا


وحنا منسجمين مع الاغنيه ويمه يمه يمه يمه

وقرررررربع لين الباب ينفتح والاستاد داخل علينا

والجوال قاعدن يغني ويمه يمه يمه يمه

والاستاد استغرررب وعلى راسه مليون استفهام

وانا اقعد افغص في الجوال وافغصه ومدري وش رصيت وطفت الاغنيه :24:

عااد الاستاد سمع الاغنيه وصررف الوضع وسوى نفسه ماسمع

جلسنا عشر ثواني بس






وشوي مادري الا الجوال يقول



يمه يمه يمه يمه << عاااد الجوال تقل استريو عالي صوته


وانا اللي يتغير وجهي واقعد اناضر الاستاد واسو نفسي بريء ومن ورى الماصه اقعد افغص في هالجوال وافغص فيه


والاستاد يقعد يناضرني وانا اقعد افغص الجوال وافغصه واشوى طفت الاغنيه مره ثانيه

والاستاد عصصب وما قال شي <<< ياحليله مهوب رايق ياخذ جوالي

وشوي التفت على خويي اللي جمبي قلتله يامبارك تفكا خذ جوالاتي حطها في جيبك لاني احس هالمدرس بيجي يفتشني


قال ولا يهمك

ويقوم وياخذ جوالاتي ويحطها في جيبه عاد جيبه صار فيه ثلاث جوالات جوالي وجوال اخوي وجواله

وعاد انا مستانس واقعد اناضر الاستاد يعني تعال فتشني ترى مامعي شي

وفجأه

مادريت الا البليه يغني يمه يمه يمه يمه ويمه يمه يمه يمه ياعزيزه يامهمه

وخويي يختررش ويطلع كلبو الجوالات قال خذ خذ الله يلعن جوالك << من الخررشه طلع جواله معهم وانا اخذ جوالاتي واعطيه جواله

والجوال المزيون يغني

والعيال يضحكوون والمدرس بينفجرررر

وانا اقعد افغص في الجوال وافغص فيه وعيا يطفى


لعنبووووووك اطفا

قال الاستاد ووجع هااات الجوال

عاد انا فكرت قلت منيب معطيه جوال اخوي بعطيه جوالي عشان ماينشبلي اخوي

واقوم وامزع البطاريه من جوال اخوي واشوى طفت الاغنيه وطفا الجوال

واقوم واعطيه جوالي

وخذاه وراااح

مع ان جوالي ياحليله والله ماسوى شي وانمسك

والتسلب جوال اخوي قاعدن يغني ومامسكووه

عاد خذا جوالي وطلع من الفصل مدري وين راح

وانا اشغل جوال اخيي ونكمل الحفله ويمه يمه يمه يمه


وعاد جت الحصه الاخيره ورحت للمدرس وقلت هات جوالي قال خذه ولعاد تجيبه ترى ان جبته راح عليك الجوال قلت وشهوووووو وشهوووو بتاخذ الجوال قال ايه باخذه لاجبته مره ثانيه قلت انت انت بتاخذه قال ايه انا << ناوي يزرفني هالمدرس لعنبوووه

عاد انا بغيت اقوله ان انت اصلا مالك دخل في الجوالات الوكيل هو اللي له دخل بس قلت خلني ساكت لاياه يوديه الوكيل ومعاد اشوف جوالي هبدن هبدن


(( ما يستفاد من القوصه ))

1- ان لا تسوي نفسك كاش وتتسلف جوالات اخوانك
2- لاتسوي نفسك قووي وتشغل اغاني بالفصل


وشوكريا صلااام

منقول

الله يسعدك بقايا امل

قصه حلوة بصراحه

دمتي بود

(( بقايا أمل ))

أحلى من القصه هذي اللي ما يستفاد منها

رووووووووووعه

وتصدق

قاريها من مبطي

بس شدتني مره اوخرا

يعطيك العافيه على النقل المميز

تعيش وانت تلطش لنا

واحنا مالك هم بنقرا

تقبلي مروري

دمتي بود


كثير جروووح