السلام عليكم ورحمة الله وبركاته هذه أول قصيده من نظمي أنزلها في النت واتمنى انها تحوز على رضاكم
ومناسبة هذه القصيده اني زرت الديره ووقفت على قبور أجدادي ودمعت عيني عليهم ثم نظمت هذه القصيده


باكر سوات اليوم واليوم مثل امس $$ ولا جديد الا قديم العلومي

الذكريات اللي غدت للزمن رمس $$ مرسومة خيل وسيوف وسهومي

أبذور مجد لو طمسها الزمن طمس $$ تنبت رجال وطيب فال وعزومي

اللي من الأمجاد يشرق على الشمس $$ يسهر على ليل الشتا لا ينومي

آثار قوم تنحت الصخر باللمس $$ تنظم سباح من الفلك والنجومي

قوم يمدلها كرم حاتم الخمس $$ وتصافحه بأم العصيب الردومي

الديرة اللي سبعها الذيب والنمس $$ ورجالها حد القنا والقرومي

مريتها طرقي لحالي على جمس $$ كن القبور لزاير الحي تومي

وامسيت فيها خاطري ضايقً عمس $$ كني لهمّ الراحلين معزومي

سوالف دارت على الدمع والهمس $$ وموادع بحب اللحى والخشومي

صح لسانك ،، وما أنت بتل صامت ،، بل والله نطقت فأبدعت ...

رائعة رائعة أخي التل الصامت ،، وأنا أول المعجبين ويشهد الله أني لا أجاملك فقد وجدت فيها صدقاً ووصفاً بليغاً وتصويراً رائعاً جعلني أزور تلك الديار معك وكأني على الباب الآخر من الجمس ..

مريتها طرقي لحالي على جمس $$ كن القبور لزاير الحي تومي

وامسيت فيها خاطري ضايقً عمس $$ كني لهم من راحلين معزومي

سوالف دارت على الدمع والهمس $$ وموادع بحب اللحى والخشومي

لله درك ..

يا التل وصفك حامس(ن) خاطري حمس$$حمس الغضى لمعكفات الزقومي
صورت لي وقت مضى وانعمس عمــس$$غابت شموسه واخلفنه نجومـــي

شكرا لمرورك ياعسيب وسالفت الجمس كنت توي مشتريه وقلت أطلع للديره ومنها أجربه مع البر لأني مشتريه مستخدم

وشاكر مرورك مرة أخرى

الله الله

أبدعت ياشاعرنا

مريتها طرقي لحالي على جمس $$ كن القبور لزاير الحي تومي

وامسيت فيها خاطري ضايقً عمس $$ كني لهمّ الراحلين معزومي

سوالف دارت على الدمع والهمس $$ وموادع بحب اللحى والخشومي

بيض الله وجهك وصح لسانك جزالة مختلفة يا شاعرنا ورحم الكريم

من مضى إلى رحمته ولكنه باقِ بطيب الذكر

دمت بخير.

صح بدنك ياعميد وبيض الله وجهك على المرور

لكن فيه تعديل طاف علي وماقدرت أعدله اذا كان تقدر لاهنت تعدله في القصيده

وهو في الشطر الثاني من البيت اللي يقول

وامسيت فيها خاطري ضايقً عمس $$ كني لهم الراحلين معزومي

أي كأني لهمهم وحزنهم معزوم ومدعو في تلك الليله

وشكرا لك ياعميد مرة أخرى

مشكور ياعميد وجزاك الله خير

أخوك \ مشعل الذيابي