من الألف الى اليـاء ابانظم قصيده=مثل اللي غيري ينظمون القصـايد
كل علـى قـده وعلى مـدة أيـده=مـع الورق والحبر مـامن بعـايد
اشـرح ولا اشـكي ظروف عنيده=وكل لـه ظـروفه بنـاقص وزايد
كني غريب الحـال وداري بعيـده=غـدت بي الارمـاس مالله رايـد
تضرب بي الامـواج بريـح عتيده=وتحرقني الرمضـا بجمر الوقـايد
وتضحك لي الدنيـا وهي لي مكيده=كـم غـررت قبلي مجيـد وجـايد
شـربت من معسـول خده وجيده=وشـربت من ماء البحر و اللهايد
واخـذت مـن ما اشـتهيه واريده=واخـذت من صكات بقعا مصـايد
وجتني الدنيــا بليـالي سـعيده=وتجيبني بـالغصب ومانيب رايـد
الآدمي لو يـدرك اللي يـريـده=ويـدرك معه كثره تمنى الزوايـد
والحمـد للي كلنـا صنعة أيـده=والمشتكى للي له الكل عـايد
بعض من احوالي وتراهـا شريده=للاعتبار وتسـليه و الفوايـد
والعـافيه اكـثر وربـي يزيده=والخير والايمان والأمن سايد

صح لسانك

يسلموووووو