مسكت الشوق بيديني ،، نثرته في طريقك نور=لمع برقه على خدك خجل ودك تدارينه
كتبت بهامة حروفي ،، أنا حبك بدون سطور=بلا حبر وقلم ، باحساس ما تنشف تداوينه
كتبته بالمشاعر والغلا ،، والواقع المشهور=نعم مشهور فعيونك وفي عيوني تشوفينه
أنا المغرم انا العاشق ،، وانا الراضي وانا المقهور=وانا كل المشاعر تجتمع فيني تلاوينه
ترى اللي مشعل(ن) وجدي ،، غزال شارد(ن) مطيور=يذير اليا ذكرت اسمه ويجفل من هدب عينه
عليه من الدلال ونعمة الله ما خذن الحور=خطر من زود فضل الله عليه أختل من زينه
تضيع علوم جدي وانتثر لا قال لي مشكور=واحوس حروف لفظي وانطق احبك ،، تحبينه
تغير مشيتي واهتز كني فاقد(ن) مسحور=جمع ثنتين من شــر البلاوي واختلف دينه
إذا مني بغيت الوعد ،، صد وقال لي مجبور=وإذا صديت يسألهم ،، حشى وش بيني وبينه
مع أن الحب في عيونه يبيح الخافي المستور=ومع أن الشوق من رعشة يدينه يفضح يدينه
انا مدري تغلي أو دلال مدلع(ن) في قصور=أو أنه طبع بنت الناس ،، كانه طبع ياشينه
وهذي حالتي معها ،، تمر شهور خلف شهور=واظن العمر في رجوا (بدور) بتمضي سنينه

المشاركة الأصلية كتبت بواسطة عسيب مساكم ورد ... يا جماعة ،، ماني بشاعر ،، لكن الوجد وشعار الوجد يشعلون الحماس فيني كل ما قريت قصيدة لاحدهم ،، وغير كذا أعضاء كرام وعزيزين علي كثير يبغوني أكتب ،، وهذي أحدى محاولاتي ،، لا تلوموني في القصور مقدما .. وسلامتكم .....

المشاركة الأصلية كتبت بواسطة صدى الصمت صح لسانك وسلم بنانك عسيب ما شاء الله عليك شاعر مبدع وقصيدة رائعة يا عسيب وما فيها قصور أبدا ، بالعكس قمة الروعة وعلى جذي نبي قصيدة كل يوم منك وإلا عشانك نقول كل إسبوع عشان تزدان القوافي أكثر بتواصلك وعذب بوحك وقوافيك وربي يسعد مساك بكل ما تود أختك : صدى الصمت

المشاركة الأصلية كتبت بواسطة عـمـيـد مساء الورد والإبداع ياعسيب صح لسانك قصيدة غايقة في الرقة والجمال ولا نزال في عتب عليك لقة ماتنثره هنا من شعرك العذب بانتظار الأجمل دوما منك دمت بخير.

المشاركة الأصلية كتبت بواسطة جيرانيمو وربي انك شاعر والله ياعسيب انك احرجت جنيتي ماشاء الله تبارك الله والله قصيده روعه وكلام ومعنى لله درك والله تستحق لقب شاعر مع مرتبة الشرف صح لسانك ياعسيب