أنا فرعون شعر وجن راسي ما يبي تحريك=أجي كلي مع الكلمة واسخرها على كيفي
من اللي قد فرعوني قوي وما يبي تشريك= يجي من دوني بسيفه وانا من دونه بسيفي

هلا يامرحبا يا أهل الشعر جيت ولكم لبيك=وانا لا شك معكم زاد مقداري وتشريفي
عسيب اركد ترى فرعون جنك عن بدر لاشك مايغنيك=تقهوى من دلال الكنج جايك ترمك الصيفي

تكفينا تراحيـبك عن الفنجال وأكل الكيك=وأبي شوفـتك والفنجال عندي يابعد طيفي
وانا سيفي على خبرك شطير(ن) ما يبي تشكيك=فكاكه ما حصل وانته تعرفه قبل تعريفي

هلا بجيرانمو حياك ربي واقلط نقهويك=على فنجال شاعر صرف الكلمات تصريفي
ترى فرعون جني يابدر مبطي وهو يطريك=انا مدري غلا ولا يبـي يسمعك توليفي

هلا بمعذب الفنجال بالتلميع والتفريك=ترى شيكك وهبته ما حصللي منه تكليفي
عطيته مستحقه وانتظر شكره يـبي يعطيك=ولا به زود صفر وما ورد به منك تحريفي