العزا في وضع حالي دمعة العين الذروف = والعزا في موت حظي دعوة الرب القدير
والسعادة غاب بدره والقبول امسى نكوف = والربيع اللي تغطرف راح لين اصبح هصير
والأمارة زال حكمة والعداء دقت دفوف = والزعامة لي تدنت والحدب هام الجفير
والورود لنبض قلب بدل لصد وعزوف = والجنون اللي بالأول خدره حرف الخفير
ياربوع الدار ماني سامع اصوات وهتوف = واجبي من نون عيني قايمه مهما يصير
ارسم البسمة بوجه ٍ وارضي اهواء وشفوف = وارسي لواجب مكاني ماظْهر لشيخي نفير
واللهيب يشب جوفي من عتيات الظروف = اللي ان قلت ارحميني زادت العسر بعسير
والكداير جمّ جمّه وامتلت منها الكفوف = والعزوم اللي تشيل جبال خاطرها كسير
والرّكاب اللي شدادي فوقها حنّت بأوف = واخضرار العود مني نشّفه حرّ الهجير
والإثارة من بعيد الحلم عدت للوصوف = زادت جنوني جنون وصرت افضّح للحفير
ادري الجوهر اصيلٍ وافرق لقطن وصوف = واعرف ان الطبع غالب لو غدى وضعي خطير
يامرام النزف هونك دام لك منزل ينوف = كل منزال الخلايق مامعاك احدٍ خشير
بالهوينا بالهوينا ذاب قلبن لك لهوف = لاتقطع به عروقه فطره شي يصير
فطره خلف المحاني قاسيات للحروف = لانتثر معناه وارْهم عندها خلقٍ كثير
لعنبو ماحل قلبي صرت له خضع هدوف = ماقويت افصم عنان وجدوتي نزف الفطير
أوف أوف وأوف أوفٍ قلتها عدّة ألوف = من عديم احساس دز الرمح والسيف الشطير
مايبالي بالصويب ولا رحم دمع معطوف = ياترى له قلب ولا منحرم قلب بصير؟

وربي معك جن ماهي معي

صح لسانك يابرق ماشاءالله تبارك الله

الله الله الله يالشمالي


صح السانك وعلا شانك


ما شاء الله عليك جزل ومبدع بكل قوافيك وحروفك


ويا رب ما ننحرم من روعة تواصلك وبوحك يا بــــرق


وإن شاء الله دوم نسعد بتواجدك

المشاركة الأصلية كتبت بواسطة جيرانيمو لعنبو ماحل قلبي صرت لـه خضـع هـدوف=ماقويت افصم عنان وجدوتـي نـزف الفطيـر أوف أوف وأوف أوفٍ قلتهـا عـدّة ألــوف=من عديم احساس دز الرمح والسيف الشطيـر وربي معك جن ماهي معي صح لسانك يابرق ماشاءالله تبارك الله

المشاركة الأصلية كتبت بواسطة غـيـداء الله الله الله يالشمالي صح السانك وعلا شانك ما شاء الله عليك جزل ومبدع بكل قوافيك وحروفك ويا رب ما ننحرم من روعة تواصلك وبوحك يا بــــرق وإن شاء الله دوم نسعد بتواجدك