قصيدة عجبتني للشاعر أحمد المطيري


يا رب تعجبكم

قل غيرها واستوعب الجرح وأرتاح=ألا الغياب وجـرح غيره عــوافــي
أمنتك الله لا تــجي نـيـة مـــــزاح =قصدك سفر وألا أنت قصدك تجافي
ما بينهــم من ينصف القلب لا طــاح =وبالحالتين القلب خُبرك ســـنافي
علمت قلبي يشربك فرح واجراح =واستسهل الصعبات لجل التلافي
وعلمت قلبك أبجـــديات الافـــــراح =وألبست طاري سيرتك شعـر ضافـي
وعلمتك أسرار الهوى كيــف تجتاح =وأتقنت دورك باجتــيآح الخوافي
الله من لــيـل كـتـبـتـك ولا بــــاح =بأســرار مـن جــدّل عـليـك القوافي
ويوم الغــلا زاد وتوســـط ولا زاح =ركزت في صدر الامــل رمــح كآفي
وش فيك سـاكت دلّــني بأي مرواح =تنوي السفــر والدرب كله ســوافي
لاتنتظـر منـي على الفهــم لمّــاح =والبعــد عذره ما يجي دوم وافـــي
سيحـت لك كل الخواطر ولا ســاح =خاطر حـبيـبك يوم جاك إعتــرافــي
لاينكــــسر في ليل الأماني مصباح =ويصير خاطر شـــاعرك منك طافي
صمتٍ طويل ويا كثر زل الالحـاح =خــل الجفــآ عن بيض الأيام غافــي
قل غيرها واستوعبك صح يا صـاح =ألا الوداع وجرح غيــره عــوافـــي

والله كل بيت يقول وخر عن دربي

الله لايحرمنا من الذوق واهل الذوق

تسلم يدينك ياغيداء قصيدة روووعه

الروعة في وجودك جيرانيمو


وربي يسلمك ويخليك يا رب أخجلتني بكل اللطف منك


والله لا يحرمنا تواصلك دوم

الرقي يتعلم منك يا بـــــــرق


نوّرت بحضورك وأسعدتني يالشمالي


وحياك وبياك ربي دوم