نخيت القاف يسأل ويتحرا =عن اغلى من على بالي يطرا
(عنيدٍ) من زمانٍ كم سباني =أناخ بسحره لقلبي وجرّا
(عنيدي) واسألك باللي خلقنا =تجمّل واذرني حالي تعرّا
بدونك حالتي سرّت عدوي =ومن لي قال عقلك فيه ضرّا
تجمل (ياعنيدي) رفْ بحالي=فديتك حالتي مرٍ بمرّا
جليل الهمّ اذوقه كل ليله =وآآآآهاتي أبت تطفي لحرّا
عزوف لنوم مع ذوقٍ ومشرب =مع الوحده افضّي كلّ سِرّا
تِوسّع ضيقتي بعض الليالي =وتجفاني بعضها ماتمرّا
(عنيدي) خلّ بك لو بعض رحمه =تجمّل مِدّ للشّفّ المذرّا
تعبت من الجسور اللي تِحطّم =من اظروفٍ لنا قامت تِشرّ
أخاف بيوم جسر الوصْل يهوي =ولاعاد التقي بك واتحرّا
فديتك وانت من يعرف شفااااتي =فديتك واعطنيها قبل افِرّا
ترى شوقي تعدّا الشوق كلّه =تعبت بصدق واكسب بي لبرّا

الله يقبلك ويخليك لعين ترجيك

والله بعيونك بس والا انا منو عشان اقول عن نفسي شاعر

ولكن هذا من طيبك يالغيداء

دمتي كما تحبين



برق