قصيدة للشاعر مبارك بن إعيينان


عجبتني ويا رب تعجبكم أنتم بعد

ودّعتك الله يا مودعني مـع خضـر الطعـون=وفأمانة اللي يبعد أحـزان القلـوب الصابـره
مانيب أول عاشقٍ قلبـه مـن البعـد مغبـون=أنا أدري ان ضحك الوصل دمع المفارق دابره
لو أن بعدك ما يطاق ودمـع عينـي ما يهـون=عز الله اني مانجيـت وصـار شـيٍّ خابـره
والله يالوّك شفت وش هلّت من الدمع العيـون=ماكان تكسر قلب في صـدّك وقربـك جابـره
خليتنـي للهم والتفكيـر وازعـاج الظـنـون=واصغارها اليا انعزلـت مـن ألأوادم كابـره
ليت الظعون شتات من قبل نتخالف في الظعون=ولا أسكاتي فوق جـرحٍ ما استطعـت أكابـره
أنشهدّ اني ما هقيت العشـق يوصـل للجنـون=لا جيت أخابر رقم غيره دون وعـي أخابـره
يسقا علي يومك تمون ويوم غيـرك ما يمـون=وما فيه غير الشوق يسبـر غرّتـك وتسابـره
عاد الأماني من وراك ولوعـة العشـاق دون=والفجر ما نـدري بقربـه كـود مـن منابـره
كن البشر في كون تسكن وانت في دنياك كون=متسيّدٍ قلبـي ولابـه عـرق منتـب شابـره
يا ممتلكني يا رقيـق العـود يالغـض الحنـون=حبّـك يهايقبـي علـى موتـه وذي مقابـره
ليه العذاب يصير للعشاق في البعـد مخـزون=ليه الليالـي كـل مانفـرح ونعشـق عابـره
ليه الحـزن يبقـا وماقبلـه ولا كنّـه يكـون=ليه السؤال وليه دامـه صـار شـيٍّ خابـره
لاكنّ من حقّي ليـا قفّيـت منـي ولا تهـون=مع كل مطلع عيـد عايدنـي ولـو بمخابـره

تسلم يدينك ياغيداء على القصيده الحلوة

وصح لسان شاعرها

تسلمي ياغيداء

هلا والله وكل التراحيب في جيرانيمو


يسلمك ربي ويسعدك يا رب وصح بدنك


وإن شاء الله دوم أسعد بتواصلك الحلو جيرانيمو ولا تحرمنا طلتك


منوّر القوافي اللي تشتكي غيابك يا بدر

هلا والله وغلا في الشمال وأهل الشمال


وربي يسلمك ويسلم روحك ومنك وفيك الذوق كله يا بــــــــرق


وحياك ربي دوم يالشمالي تسعدني والله بتواصلك


نوّرت القصيدة وناقلتها

اشراقتنا الغالية غـيــــــــــــــــــــــــــــــــــــداء

قصيدة روعة .. ربي يسعدك .. ويسلم ذوقك

وهذا البيت عجبني بزيادة ..

كن البشر في كون تسكن وانت في دنياك كون = متسيّدٍ قلبـي ولابـه عـرق منتـب شابـره