| | |
سيتم حذف كل يوزر غير لائق او بلا معنى
 |  |  |  |
 |  |  |  |
|
|
|
|
|
| |||||||
| التسجيل | البحث | مشاركات اليوم | اجعل كافة الأقسام مقروءة |
| حَدِيثُ نَفْس مدونات خارج الزمان والمكان |
 |
| | LinkBack | أدوات الموضوع | إبحث في الموضوع | انواع عرض الموضوع |
30-11-2008, 05:59 PM
| رقم المشاركة : 1 (permalink) |
| وجد مشارك 
|  نحسبكما في الجنة......1 [font="Arial Black"]السلام عليكم ورحمة الله وبركاته اخواني واخواتي سأعرض عليكم قصة حقيقة عشت أنا وزوجي وأخرين قصتها في أحد المنتديات العربية ، وسوف أقتصر على ذكر إسم سارة والدكتورة شهد العسلي ، والتي كان لها دورا مهما في حياة سارة رحمهما الله. عند تعرضي لحديث سارة والدكتورة شهد سوف أنقله لكم حرفيا كما ورد عن لسانهما أثناء حياتهما دون تعديل أو تدخل مني ، لتعرفوا من هي سارة والدكتورة شهد. وقد عاش تفاصيل هذه القصة اخوانا واخوات لنا في المنتدي سنرمز لأسمائم والقابهم باوائل أحرفهم حتى يكونوا شاهدين على أمانة سردي لحكاية سارة والدكتورة شهد رحمهما الله . إنها قصة حقيقة سيرقص قلبك عند قرأتها من الفرح , وعند تنقلك من حرف لحرف ستنهمر عيناك بالدموع من قساوة الدنيا يقابلها إيمان ثابت غير متزعزع ، -إحساس الفرح ممزوج بالحزن والألم - يعتصرالألم قلبك لفراق سارة وصاحبتها . كنا جميعا بدون استثناء بمختلف أعمارنا وثقافتنا نتلهف لمتابعة أخبار سارة ويرقص قلبنا فرحا عندما نجدها متواجده معنا من جديد في قلب المنتدى فإن لم يكن متاحا لنا تواجد سارة فالدكتورة شهد رحمها الله كانت حلقة الوصل بيننا ، و بمثابة الام لسارة ولنا جميعا تارة تنقل أخبار سارة لنا ، وتارة أخرى تنقل أخبارنا لسارة كنا على هذا الحال دائما نحن وسارة والدكتورة شهد سارة والدكتورة شهد ضربتا لنا مثلا في الصبر والوفاء والإخلاص والإيمان بالله والحب والحنان والمرح .....الخ ----- بسم الله الرحمن الرحيم تبدأ قصتنا في مدينة من مدن سوريا بولادة سارة مسيحية الديانة قضت شبابها على ذلك إلى أن من الله عليها بالإسلام قبيل وفاتها . وسوف أرجئ قصة إسلامها إلى حين أن تتعرفوا عليها . كان المنتدى يستضيف كل اسبوعا ضيفا متميزا يسأله الأعضاء ليتعرفوا عليه اكثر كنا نترقب استضافة سارة ، وزاد هذا الشعور كثيرا بعد أن عرفنا خبر إسلامها الى أن جاء الاسبوع الذي إنتظره كل الأعضاء ، وهو اسبوع استضافة سارة الامورة وكان هذا لقبها في المنتدى ------ 20-Sep-2007, 10:53 PM في تمت دعوتها من قبل المشرفة الأخت ( ك ) والتي كانت مسؤلة عن استضافة المتميزين من الأعضاء وكانت دعوتها كالتالي ضيفة هذا الأسبوع شخصية نحبها لبساطتها وعفويتها إذا غابت الكل يفتقدها ، وإذا حضرت الكل يسعد بوجودها نرحب بأمورتنا سارة ، وأنا متأكدة أن الكل متشوق لهذا اللقاء وأولكم أنا سعيدين جدا بتواجدك يا سارة . يا ريت تعرفينا على بطاقتك الشخصية --------- 20-Sep-2007, 11:58 PM وفي تواجدت سارة الامورة بالمنتدى وكعادتها كانت عندما تتواجد بالمنتدى كانت تطير بين أقسام المنتدى كالفراشة تملؤه مرحا وتنعش سطوره بردودها الرقيقة . فقامت بالرد على الاستضافة بالاتي ---------- 20-Sep-2007, 11:58 PM بشكر اختي ( ك )على هل المقدمة الحلوة ولي ما بستاهلها طبعا الي الشرف الكبير باستضافتكم لالي وبوعدكم اني جاوب عا اسئلتكم بكل صراحة انا راح جاوبكم بقلبي موبعقلي لهيك عذرو ضعفي بالغة العربية وتقبلو كلماتي العامية والي بسبب الهجات ممكن يتعذر عابعضكم فهم لبعض الكلمات فلا يستحي ويسالني شكرا سارة ---------21-Sep-2007, 12:23 AM وبعد حوالي 25 دقيقة اعتمدت سارة الامورة الرد التالي بطاقتي الشخصية اسمي.......... سارة اميل بطرس تولد..............22.02.1979 مولودة بحمص..سوريا الطول..........167 العمل............اعمل محامية احوال مدنية في باريس وهو مكان اقامتي حاليا موقوفة عن العمل لمدة سنة لاسباب صحية ...........واعمل رئيسة فخرية ورئيسة لجمعية محاربة الزواج الابيض بباريس الحالة العائلية............متزوجة او كنت متزوجة وانا منفصلة عن زوجي يعني مطلقة الا شوي عندي بنت عمرها 6 سنين ......وصبي عمرو 4سنين هواياتي كتيرة ...... السباحة ..ركوب الحصان ..الغناء الجماعي ..القراءة ..ومن جديد الانترنت و الكومبيوتر زمرة الدم -ab سلبي وهون المصيبة بتصور هادا كل شي بقدر قولو من هويتي الشخصية وبانتظار اسئلتكم لا ماكان كل شي نسيت اهم شئ الديانة...............مسلمة والحمد لله سارة ------ ماتت أمها وهي صغيرة وكان عمرها آن ذاك لا يتعدى السنتين ، فهي لم تعرف حنان أمها قط ، كما ذاقت قساوة الأب فقد سألها نائب المدير آن ذاك الأخ ( ع . الم ) أسئلة كثيرة منها - الام والاب- ------- 23-Sep-2007, 10:52 AM قالت سارة في الام ..........اه يا اخي كلمة أم عندي كانت حلم ..........أمنية يا غالي انا تربيت يتيمة الام امي ماتت وكان عمري اقل من سنتين أنا ما عرفتا كنت أحلم نادي ماما وبيوم عيد الأم كنت اتمنى متل كل الناس جيب لأمي هدية كنت اخود وردة وحطا عاقبرا ولمن يسألو صحابي بعيد الأم شو جبتو لأمكون انا كنت قول جبتلها ورد وكنت عاقبرا اهديا دموعي الكتار الأب ............بقول رغم قسوتو بحبو ...سر حنانو قسوتو سارة ------ إنتقلت سارة إلى فرنسا لدراسة القانون ، وكان طريقها ملئ بالأشواك ------ 18-Dec-2007, 01:24 PM ففي أخبرتنا الدكتورة شهد رحمها الله ان سارة رغم ما ذاقته من عسير الدنيا كانت فتاة عصامية تكره التذلل و السؤال إضافة الى دراستها الشاقة و التي تحتاج للتفرغ كانت تعمل في أحد مطاعم الوجبات السريعة لتيسر لنفسها مذلة العيش كانت تتقاضى أجورا زهيدة لعملها و كانت تدرس في أن معا الى ان تخرجت و عملت بشهادتها كمحامية ...واية محامية ..كانت ماهرة بعملها جدا و مرهوبة الجانب يثق الناس بها و احبها كل من تعامل معها لرقتها و عفويتها لنسأل أنفسنا لم أختارت سارة دراسة القانون لا أجد غير اجابة واحدة الا و هي ان من ذاق الظلم ...لا يستهويه لغيره فكانت محامية قديرة كسبت المال الحلال بعملها كانت تتقصد بعدها عن الحرام و كسب المال من خلاله بعد السموات عن الارض امست من اغنياء باريس ولم يحثها غناها على الحرام كانت كريمة جدا تعطي دون حسبان يشهد بذلك من عاشرها تغمدك الاله برحمته د/ شهد ------- تزوجت في سن مبكرة من زوج مسيحي وكانت تقيم في باريس ولها من الأولاد اثنين -صبي إسمه نيكولاس وبنت إسمها نتالي- 22-Jun-2007, 03:31 PM في قالت سارة في حملها وولادة ابنتها احبابي حبيت اكتبلكم هالكلمات بصراحة انا ماعرفت باي من المنتديات اكتبها لانها ليست بالشعر ولا بالنثر هي احساس صادق قروها وبتشوفو بنفسكم بعدين اخواني المشرفين وين ما بدهم ينقلوها هنن حرين وانا بحترم رايهم نتالي تسعة اشهر انتظرتها ابنتي بالله احلف كانت عليا طويلة جئت لاجلها بلد ليس فيه احباب كنحل خرج من الخلية عفت احبابي.اصحابي واهلي اللتي كنت بينهم للهموم ناسية الشهر الاول مر كغيره من الايام طبيعي فلم اكن بالحمل على درية بالشهر الثاني الجنين كامل الاعضاء يتحرك في احشائي بحرية في الشهر الثالث صعب الامر تعقد معي حق فالوضع كلو جديد عليا ثم بدا التساؤل في الشهر الرابع انا اريدها بنتا و زوجي يريد صبيا قلت له اصبر قليلا ففي الشهر الخامس تسهل على الاطباء الرؤية كانت بنتا باذن الله وددت رؤيتها فصورة الايكو لا تبدو للاعين جلية تعقدت الامور في الشهر السابع صار بطني لحلقي كما يقال بالعامية الشهر الثامن مر كغيره من الاشهر بزيادة انني لقرب الخلاص كنت متمنية الحمل ثقيل كم وددت ان استلقي دون اية حركة لولا العيب والحيا في كل فجر من الشهر التاسع اقول ربما ضهرا وكل عصر -اكيد مسوية- انتصف الشهر جائني المخاض نقلت للمستشفى بسيارة اسعافية كم كان يوم الولادة مؤلما طويلا من حين لاخر تاتيني ممرضة بجدية في غرفة باردة اطباء واجمون الى ان قطع الصمت صراخ ابنتي الغالية نعم ..ولدتها ابنتي ..راثعة بيضاء بشعر اسود كالليل وعينان عسلية احترت عن اسمها ااسميها سمر ناديا ..حنان.. لونا .......ام فوزية اسميتها ناتالي الهي احفظها من كل اذ وهيئ لها عيشة هنية .................................................. .... كتبت باحساس صادق ام للمرة الاولى مع كل حبي سارة ---------- 14-Jan-2008, 02:16 PM وفي اخبرتنا الدكتورة شهد ان سارة رحمهما الله لم تكن أما لطفلين و حسب سارة إضافة الى ما أسته فقدت طفلين[جورج و ميكائيل ] كان ترتيب جورج الأول بين أطفالها طوال فترة حمله كان جنينا ملتصقا برئتيه الى جدار الرحم عند ولادته أبى أن ينفصل.عن أمه... فصله الأطباء بعمل جراحي أدى الى دخول سارة بغيبوبة و تشوهات صدرية للملود وضع الطفل في الحاضنة توفي بعد اربعة أيام دون ان يرى أمه أو تراه ظلت سارة بغيبوبتها سبعة أيام ماأن عادت لوعيها حتى سألت عن ولدها قيل لها انه مات ياله من عذاب أما عن ابنها ميكائيل فهو الأخ التوئم لعبد الله [نيكولا]الذي مات طفل مهد بعد شهر من ولادته اتهمت سارة بقتله من قبل زوجها الى ان تحقق بعد ذلك بأن ميكائيل لم يمت قتيلا فكيف لأم أن تقتل ابنها؟؟؟؟ رحلت سارة لتلقى ولديها د/ شهد ------ ومع بدأ أول دقيقة في اسبوع استضافة سارة الأمورة تسابق وتهاتف الأعضاء لسؤالها كل يريد أن يغتنم الفرصة بأسبقية سؤالها عما يجول في خاطره لكي يحظى بالرد عليه أولا من قبل سارة. من أجل ذلك لن استطيع سرد كل أسئلة الأعضاء وردودها عليهم . سوف اقتبس بعض من أسئلة اخواني واخواتي لسارة وأجوبتها عليهم . ------- سألها المشرف العام آن ذاك ( ط . الع ) بالأتي سؤالى ليكى؛ بعد أن أكرمك الله بالاسلام ما هى خطواتك القادمه بالنسبه لأبنائك لكى لا تتركيهم ينشأوا على غير الاسلام ؛ وهذه معركه فى نظرى ليست هينه اطلاقا. ولى عوده ان شاء الله تحياتى ------- 21-Sep-2007, 04:43 AM سارة في اهلا فيك اخي ( ط . الع ) بالنسبة لسؤالك القانون الفرنسي الخاص بحضانة الاطفال بيعطي للام الاولوية بالحضانة وخاصة اذا كان عندها وارد مالي وبالنسبة لحالتي انا مالي مطلقة بعد بالترجمة الحرفية للوضع الي انا فيه وهي حالة قبل الطلاق هاجرة او مهجورة وبهي الفترة بتكون حضانة الاولاد حبية وما بدها حكم محكمة لهيك باعتبار ناتالي بنت فانا لي بعتني فيها اما نيكولا فهو عند جاك زوجي السابق وهي الحالة مؤقتة طبعا لوقت بطلع حكم الطلاق بتنتقل حضانة ولادي لالي وباعتبار حيكونو عندي فانا حربيهون عالقران والصلاة ورح اتبع لي قريتو بمنتدي الطفل وانا هون رح حببهم بالاسلام وبالقران وبحلاوة الايمان لانو متل ما بتعرف انو المجتمع الفرنسي فاسد ولازم يتبعوه لانهن حبوه مولانهم مجبورين عاتباعو ولاتنسى اخي ( ط . الع ) انا محامية وصفة المحامي الشاطر حجة الاقناع سارة ------------- انهمرت الأسئلة من الأعضاء وتوالت الردود من الامورة منها 21-Sep-2007, 09:43 AM سألت المشرفة الاخت ( د ) في اهلا ومرحبا بك اختي الغالية الى قلبي سارة ......نور الموضوع بتواجدك وباجاباتك ...... ما شاء الله ..... هنيئا للاسلام بك وهنيئا لك بالاسلام ويا رب يثبتك على الحق ويعينك ويقويكي ويعافيكي يا رب اختي سوسو: قلت انك منذ شهر تقريبا اعلنت اسلامك.....وها انت تصومين رمضان مع اخوانك المسلمين في كل بقعة من بقاع الارض(تقبل الله منك الصيام واعانك عليه)... ما الفرق بين صيامنا نحن المسلمين وصيام المسيحيين ........ وهل وجدت صعوبة في اداء هذه الفريضة (الصيام)......... شكرا لك اختي الغالية على الاجابة وجزاك الله خيرا اسفة ان تقلت عليكي ...... ماشي سلامات!! ----------- وقد طرأت على سارة الامورة ظروف حالت دون تواجدها للرد على أسئلة الأعضاء إلى أن تواجدت الامورة من جديد ------- 23-Sep-2007, 09:38 AM سارة في بعزر منكم عانقطاعي يوم الجمعة كان اضطراري ويوم السبت ماكنت اقدر افتح المنتدى مانا مشكلة هي رجعت ورح كمل ردود عا اسئلتكم ان شاء الله -------- وهنا كان يعتري الامورة آلاما شديدة وحتى لا تشعر أحدا من الأعضاء بالامها خصوصا أن الأعضاء متلهفين لمعرفة كل سطر سطر في حياتها . فقد أثرت الرد على الأعضاء بالإجابة السابقة --------- 23-Sep-2007, 10:22 AM سارة في هلا اختي الحنونة ( د )....والموضوع منور بصحابو وقرائه اما عن سؤالك يا حلوة انا حجاوبك بس ما بعرف اذا مسموح الي احكي بغير الاسلام ياستي الفرق بين صيام المسيحين والمسلمين كبير كتير .. والفارق الاكبر والاكتر اهمية هو انو الاسلام كلون بصومو متل بعضون يعني المسؤل والمسؤل علي الحاكم وا لمحكوم الرئيس و المرؤس الغني والفقير الصغير والكبير و حتى بالمذاهب والطؤائف ان كان شافعي او حنفي كلو متل بعضون وبيخضعو لنفس الاحكام ونفس المحرمات اما عند المسيحين فالصيام بيختلف من طائفة لتانية من رجل دين او راهب لانسان عادي بيجتمعو الكل عانو الصيام هو لتطهير الجسد و لتذكير بسيدنا المسيح ( د ) الحلوة رح احكيلك بشكل مبسط على الصيام للطائفة الكاثوليكية الغربية اصل الصيام هو صيام السيد المسيح لمدة اربعين يوم وانتهو بعيد الفصح ويقال انو السيد المسيح صام الاربعين يوم كامل عن الاكل والشرب والعلاقات الجنسية واستمد القوة بهدا الصيام من الروح القدس لانولاقدرة على انسان عادي الصيام الاربعين يوم طبعا هاي القصة وحدة عند كل المسيحين وبصومو تيمنا بالمسيح وطريقة الصيام هي لي بتختلف عند الكاثوليك الغربيين الصيام المادي بكون الامتناع عن اكل الحيواني من لحوم واجبان والبان وبيض وسمن وزبدة البقرية طبعا والمسموح فيه هو الاسماك والخضار بانواعها والفواكي والدهن النباتي والمي طبعا هيك لمدة اربعين يوم ومتل ما قلت بتنتهي ب عيد الفصح والمتعارف عليه انوالغداء في يوم عيد الفصح هو لحم الضانئ احتفالا بارتفاع السيد المسيح الى السماء وانتهاء الصيام اما الصيام المعنوي هو العفة وعدم السؤال والحكي عالناس وووو الخ بتمنى كون وصلت المطلوب اختي( د ) وبقلك هاد لي بعرفو وانا ماكنت متدينة والحمد لله على نعمةالاسلام اما عن الشق التاني من السؤال بقلك مع العزيمة كل شي بهون وعزيمتي كانت قوية والحمد لله مني عم حس باليوم لا جوع ولا عطش يمكن لاني بركز على حلاوة هذا الصيام وبنسا صعوبتو الحمد لله سارة ----------------- وكانت سارة الامورة رحمها الله تتمتع بعزيمة أقوى من الفولاذ فقد كتبت موضوع اثناء دخولها وخروجها المتكررمن المستشفى بعنوان مذكرات صائم في 20-Sep-2007, 03:38 AM حبيت اكتبلكم احساسي بيوم خلقت لعيشو ......... بقول خلقت لاني بعتبر اني خلقت من كم شهر من يوم قلت بكل جوارحي اشهد ان لا اله الا الله وان محمدا رسول الله بغرفة ضيقة كل شي فيها ابيض الجدران .. الستائر ..السرير ..حتى الاجهزة كان لونها ابيض ..كان كل شي ابيض الا قلبي كان في نقطة سودا الصبح بكير اجت الممرضة ووصلتني بجهاز لتراقب دقات قلبي وقت نقل الدم وقالتلي بعد ساعة بيجي الفطور يعن بعد المرحلة الاولى للنقل وراحت رن جرس الهاتف كان صوت امي وهي عم تقلي كل سنة وانت سالمة اليوم اول ايام رمضان يلا ادعي لربك الشفاء بياض الغرفة صار سواد ضاقت عليي كانها سجن لاء كانت قبر ....................... النقطة السودا لي بقلبي كبرت وصرت قول يا ربي ليش انا مسكت الانابيب لي موصولة في ومزعتها الدم ترشق بكل الغرفة ومن خوفي قلبي زادت رقاتو والاجهزة صارت تنبه عن غلط بصوت ما بينطاق عالي كتير اطبا وممرضين ركدو عالغرفة عا اثر هادا الصوت وشافو الدم ملي الغرفة وانا بصرخ بقول ما بدي كبست الممرضة جرس الانذار صارعندي بالغرفة مؤتمر طبي ماعرفو بالاول اني انا لي مزعتو لمن عرفو هديو شوي فحالات اكتئاب و الانتحار واردة هنن ما فهمو اني ماكان بدي موت انا كنت عم بدور عالحياة بدي صوم بدي اشعر اني مسلمة عطوني ابرة مهدئة هديت .........طلبت شوف الدكتور سامي هو دكتور عربي مسلم لمن اجا قالي ازيك يا سارة ....عاملة ايه.......صرت ابكي وقلتلو بدي صوم قلي هدي حالك وفهميني ..قلتلو كل شي صار ..قلي ربنا معاكي يا سارة انا هساعدك وصار اننون رجعو وصلولي الدم بدل الاكل والشرب حطولي السيروم اتصلت بامي وقلتلها انا صايمة وقلتلها بعرف انو صيامي منو مقبول بس احساسي كمسلمة منو قابل اني اكول واشرب وغيري صايم قالتلي سارة اذا عطشتي رددي بقلبك سورة الكوثر الله تعالى بسيقي منو ودموعي عاخدي قلتلها حاضر مر اليوم بسرعة تمنيت لو بصير اسابيع من فرحي بصيامي وقت الفطور ندق الباب ودخل الدكتور سامي ومعو ممرضة مسلمة وجايب معو مالذ وطاب وقالي ها يا سارة الاكل ده عاملاه بايديا رن التلفون كانت ماما قالتلي وهي عم تبكي بتمنى لو كنت معك صيام مقبول مابعرف شو اوصف احساسي بها ليوم لاول مرة بحس اني انا صاحبة القرار ولو كنت مريضة انا مسلمة بعتزر عن كتابتي لهلموضوع لي بخصني وحدي بس شعوري كان اكبر واحلى بكتير من اني اقدر اكتبو بكلمات بختم حديثي بقول اشهد ان لا اله الا الله وان محمدا رسول الله سارة --------- 23-Sep-2007, 10:52 AM في قامت الامورة باقتباس رد من الردود في اسبوع استضافتها وكانت إجابتها الأتية اهلا وسهلا فيك مرة تانية اخي الغالي يشهد علي الرب انك غالي و بسعد بأسئلتك وسؤالك عني رح جاوبك على سؤلك الحياة..........نهاية العذاب الموت..........بداية حياة جديدة المنتدي.......منك حتسدقني لو بقلك هي كل شي ..الأب و الأم الأخت والأخ الصديق و الصديقة الزوج والولد بحبكم من كل قلبي الأبداع ........متل البرق لازم نعرف كيف ننتهزو منيح بتمنى اخي ان اكون جاوبتك عا سؤالك ووفيتو حقو الك كل الحب سارة ------------- يتبع
|
 |
|
30-11-2008, 06:00 PM
| رقم المشاركة : 2 (permalink) |
| وجد مشارك
| توالت الأسئلة وتوالت الردود 23-Sep-2007, 12:54 PM وفي كتبت العضوة (م ) والتي لقبها في المنتدي ( غ . ع ) وهي مسيحية الأتي من سارة الضيفة يا مرحبا يا مرحبا نورك طفا الكهرباء اولا سارة اشكرك لما قدمته لي من خدمات فانت من سيكون سبب نجاحي وساكون معاكى الي ان يتم شفاؤك بإذن الرب ثانيا سارة لاتؤاخذي تطفلي فانا لي عندك سؤالات كثرت سانهال عليك بها بوقت واحد بسبب سفري بعد ساعات وان استطعت الدخول للمنتدى خلال الاسبوع فلن ارحمك من الاسئلة ولكن ساسلك الان بما كنت اريد معرفته منك منذ ان تعرفت عليكي السؤال الاول دعينا جانبا عن المحامية سارة حدثينا عن سارة الزوجة وعن سارة الام وعن سارة بالايام العادية شكرا مسبقا سلام ورحمة سارة سؤالي لك من الممكن ان يسبب لك الاحراج فان كان كذلك إعتبريتي لم اطرحه علمت انك كنت من الدين المسيحي انت حرة بما فعلته فانت ملك نفسك سؤالي لك قديما عندما كان يخاطبك الناس ويدعون لك وكانك مسلمة وانت لم تكوني فهل هذا كان يجرحك هذا وكيف كان ردك الرحمة على روح امك ولكن ماذا تتوقعين ردة فعل اباك وهل علم ام لا الف شكر سؤالي الثالث يا أخوان سارة تحب المزح والهرج كثيرا فلم اكلمها يوما الا وجدت لحديثنا جانب من الطرفة و الضحك شفاها الرب اطلب منك ان تحدثينا عن موقف اضحكك واحرجك بآن معا تقبلي اسئلتي عزيزتي وحبيبتي سارة سأحاول الدخول بايام الاسبوع وكما أخبرتك لي سؤالات اخرى احترامي اختك .... ويالاروعة رد الامورة رحمها الله علي تلك الاسئلة لما فيها من التاخي والحب والعفوية والمرح وبيان قساوة الدنيا عليها وحمدها علي كل حال --------------- 23-Sep-2007, 10:58 PM سارة في اهلا بحبيبتي ... لا يا ( م ) ....التقارير تبعي منها سبب نجاحك يمكن تكون وسيلة بس النجاح انت لي بتصنعية بجهدك اتمنى لك التوفيق وبقلك يا ( م) ولا يهمك انت سألي وأنا بجاوبك..و أمتين ما سألتي حاضر يا ( م ) حنقيم المحاماة و القانون عا جنب ...ورح خبرك مين هي سارة سارة الزوجة :-سارة الآن هي زوجة مع وقف التنفيذ فانا منفصلة عن زوجي تقريبا من سنة . وقبل هي السنة يعني قبل انفصالي سارة كانت صعبة الطباع يعني بالمختصر المفيد ما بيعجبا العجب سارة الام بعترف اختي ( م ) سارة ام مقصرة بحق أولادا و الظروف ما ساعدتني ابدا يعني من انفصالي و بعد ابني نيكولا Nicolas عني لمرضي وبعد ناتالي Nathalie بس ان شاء الله كلو حيتصلح إن راد ربي الشفاء إلي سارة بالايام العادية : -سارة هادية منا سريعة الغضب سارة بتقدر تفرق و تفصل بين قسوة وصرامة القوانين بعملها وعاطفتا بالبيت سارة لمن بتحب بتعطي سارة منا محظوظة سارة بتحب الضحك و المزح حتى احيانا مزحا تقيل سارة اجتماعية من الدرجة الاولى سارة ست بيت فاشلة جدا جدا حاجة فضايح هههههههههههههههه ---- سلام ورحمة... باالعكس بسؤالك هاد انت حتخليني قول شغلات ماحقدر قولها الا اذا سالتي وانا نفسي قلك ياها وما في اي إحراج بحب قلك اختي انت غلطانة لانا ولا انت ولا اي حدن هو ملك نفسو نحنا كلنا تحت الطاف الله اما جوابي لسؤالك بقلك انك متل اغلب الاعضاء ماعرفو باني كنت مسيحية الا لمن اسلمت الا ياربي اتنين او تلاتة من الاعضاء اما لمن كانو الاعضاء يخاطبوني كمسلمة وانا ما كنت بوقتها بقلك انون بحياتون ما أسائو للدين وانا ماكنت قلون اني مسيحية لاني ما كنت بدي اعمل فوارق بيني وبينون طالما ماكان في اساءة انا كنت اسمع و بدون ما أحكي اما عن دعواتون الي سدقيني يا ( م ) كنت حس فيها وانا بالمستشفا لانها كانت سادقة ومن قلبون وكنت قول لو ما كنت بعنيلون وبعزوني ما كانو طلبولي الحماية من اغلى شي بيملكو وهو دينون وقرآنون اما عن ردي .........لمن كان حدن يقلي طبعا قبل اسلامي السلام عليكم ورحمة الله وبركاته انا كنت جاوبو وقول وعليكم السلام ورحمة الله وبركاته وهي تحية الاسلام متل ما انت بديتي كلامك ب ...سلام ورحمة ... وهي تحية المسيحية انا مع اني مسلمة جاوبتك وقلتلك ....سلام ورحمة .....انا ما بحب الفوارق وعلى سيرة دعاهم الي بحب اذكر وقت كنت بالمستشفا كانت شهد تطبعلي ردودهم الي وانا كنت استناها بالدقيقة طبعا متل ما قلتلك كان الاغلب ما بيعرف حقيقة اني كنت مسيحية فكان اخواتي متل ( د ) و( ن ) و( ع . م ) و ( ط ) وووو الخ يبعتولي ادعية وانا ما كنت أزعل بالعكس لاننون لو ما بحبوني ما كتبولي وكانت تطبعلي بعض المواضيع متل النكت منشان ما حس بالوحدة ومن بين المواضيع لي طبعتها كانت صفحة من موضوع دفتر حضور وانصراف وكان ( ط ) متل عادتو بيسأل عن الغياب ذكر لاتنسو اختنا سارة هي برحلة علاج جاوبو اخي ( ق ) وقت ماكان اسمو ( ق ) الله يشفي جميع المسلمين والمسلمات وانا قلت بنفسي طيب يا ( ق ) هيك لكان وانا مالي حصة بس اذا بصير مسلمة بصرلي حصة ............ بشكرك ( م ) لدعوة الرحمة لروح امي وانا بقول الله يغفرلا اما عن ابي فكمان بقول الله يغفرلو مات من3سنين بس لو كان عايش بتوقع انو حيرفض طبعا بس انا متمسكة بأسلامي بتمنى ( م ) اني كون جاوبتك عاكل لي سألتي وانا تحت امرك حتى منشان الاحراج انا بحب احكي معك خاص يعني بيني وبينك ------------- اي انا بحب الضحك و بقولو اضحك للدنية بتضحلك ...........والله وجعني تمي وانا اضحكلها وما كانت ولا حتى تبتسملي الحمد لله اما عن الموقف لي ضحكني و احرجني انتي ما ذكرتي اذا كان بشغلي او بحياتي عالعموم انا حأذكر موقف من حياتي العادية اول ما جيت انا وجاك زوجي السابق وسكنا باريس غيرو التوقيت وانا صحيت مأخرة لبست ورحت عامكتبي وهوكانت عيادتو [ كان طبيب اسنان]قريبة من البيت وبعدما وصلت المكتب لي كان بيبعد عن البيت نص ساعة تقريبا تذكرت اني ما حضرت لزوجي تيابو وهوكان متل كتير من ذكور اوربا بعاني من مرض وراثي لي هو عمى الالوان اعتذرت من الموكلين بالمكتب ورجعت لشوفو شلون لبس كان راح ........ دخلت العيادة وياجماعة صاعقة كان متل المهرج تصورو بنطلون بني على قميص اصفر على جاكيت اسود والكرافة ماكانت لايقة بنوب مع اي من الالوان لي لابسها قلتلو موناقص غير تلون انفك بالاحمر وتروح السيرك وصرت اضحك بس انا من جوا كنت بغلي وكان عندو مرضى ..موقف ما بنساه بحياتي بتمنى تكون عجبك الموقف مع حبي سارة --------------- وقد كانت سارة كعادتها تتبادل المزح والمرح رغم آلامها الشديدة فيااخواني واخواتي ، لا تخلو صفحة من صفحات المنتدى إلا وكان بها مرحا كثيرا متبادلا ، ولهفة من الجميع بتهنئتها على إسلامها والدعوات لها بالشفاء 24-Sep-2007, 02:45 AM ففي اقتبست سارة الامورة سؤال من الأسئلة وقامت بالرد عليه بالرد التالي وعليكم السلام ورحمة الله وبركاته وانت بالف خير و صحة قمر الغالي قبل ما جاوب عاسئلة قمر بدي وضح سبب تسميتي الو ....بقمر... ومو ....( ض ) القمر ... قمر كان من اول من تعرفت عليون هون بالمنتدى وكانت لوحة مفاتيح [الكي بورد] تبع الكومبيوتر بتلغبط وكلما اكتب ( ض ) تجي ضب او ضس او ضق ونادرا ما تجي ( ض ) لهيك قمر كانت تظبط ومن يومها ماعدت ناديلو الا قمر بالرغم من اني غيرت الكي بورد الخربان يارب ما يكون بتدايق مني وإذا تسميتي الو بقمر بتحرجو انا عندي استعداد غير كرمالو عودة للاسئلة بدايتي كانت ب 1996 يعني من 11 سنة وانا سافرت لفرنسا بعد مشاكل عائلية وللدراسة اما عن اللغة فانا درست بسوريا بالكتدرائية الارثدوكسية من ايام الدراسة كنت ضعيفة باللغة العربية و ممتازة باللغة الفرنسية فما لقيت اي صعوبة باللغة اما عن العادات المختلفة بين فرنسا و سورية طبعا في اختلاف كبير بس انا كنت هنيك للدراسة ومو لشي تاني وانا عطيت كل اهتمامي لدراستي و نجاحي ولي ساعدني هو اني كنت ساكنة بالدير مع الراهبات والنظام عندون صارم بالنسبة لوقت الدخول واغلاق باب الدير ليلا اما عن الصعوبات فكانت ببعد الدير عن الجامعة اما عن امنياتي واحلامي اذا الله شفاني هي بالاستقرار بعملي وبيتي مع اولادي وإذا لقيت شي أبن حلال ما بقول شي إذا حواليك قلي عليه ههههههههههههههههههههههههههههههههههههه مرورك يا قمر ضوا كيف ما بدي اقبلو انت عزيزو غالي سارة ------------------ 24-Sep-2007, 03:44 AM وفي كتب نائب المدير ( ع . الم ) آن ذاك الاتي هههههههههههههههههه الله يوفقك اختي ساره الصراحه اقرأ ردودك واضحك ____ وبالفعل انا لم اكن ادري بأنك غير مسلمة ولكن يوم شفت موضوع أختي د شهد خبر إسلامك ماصدقت والله من جد فرحت فرح كثير لاسلامك تحياتي لك وهدى الله الجميع ------------------- 24-Sep-2007, 11:43 PM كتبت الاخت (د ) اختي العزيزة سارة اشكرك من كل قلبي على هذه الصراحة والشفافية وعلى قلبك الابيض وعلى ردك الجميل على سؤالي وعلى اسئلة الاعضاء الكرام......الف شكر لك.... ............ سلامات اختي ------------ نعود اليكم بالاتي 24-Sep-2007, 11:12 PM في كتب العضو ( ق ) السلام عليكم و رحمة الله و بركاته آسف لتأخري بطرح الأسئلة يا سارة و لكن كانت عندي ظروف طارئة . المهم الله يشفيكي و يعافيكي و تستردي صحتكي فالصحة نعمة جليلة لا يحس بها إلا الذي يفقدها. أختي سارة ما هو شعورك بعد الإسلام و الحمد لله و كيف تجدين إنتشار الإسلام في الغرب . هذا اللي عندي من أسإلة و لا أريد أن أثقل عليكي و لي رجعة عن قريب بإذن الله تعالى. تحياتي و تمنياتي بالشفاء العاجل إن شاء الله. --------- 25-Sep-2007, 04:01 PM تواجدت سارة الامورة من جديد في اهلا باخي ( ق ) او عفوا ( الف . الم ) مع انو حلو ( ق ) الاقل كنت بقدر اندهلك قطوط بس هلأ بشو بدي اندهلك فروس؟ بس يلا باعتبارها رغبتك الله يعطيك مليون عافية شو ماكانت ظروفك شكرا عزيزي على دعوتك لالي بالصحة والشفاء والعافية ..وبقلك الله يسمع منك يا طيوب ولا يضرك.............. آمين يا رب العالمين .وفعلا اخي الصحة تاج على رؤوس الأصحاء لا يراه الا المرضى أما عن شعوري ياخيو [ على وزن ...] شفت كيف ما عم بغيب عن بالي اني عم أكتيب ل ..... منعيد أما عن شعوري اخي ( ف . م ) صحيح ليش ما سميت حالك الفارس المقطقط ..... متلا اش معنى المغامر منعيد أما عن شعوري اخي ( ف ) ......................................... يوووووووووووووووووووووو اما عن شعوري اخي .........املأالفراغ بالاسم لي بتحبو بعد اسلامي هو بكل بساطة اني تولدت من جديد بالرغم من اني مولودة ما حتعيش كتير .الله يرحمنا جميعا و يسكنا بجناتو اما كيف انتشار الاسلام بالغرب اخي ........... انا ما بعرف النسبة المؤية للمسلمين بين الفرنسين الاصليين اقصد الفرنسين الذين ولدو بفرنسا من فرنسين حقيقين لانو النسبة بتعلى بين الفرنسين الي اخدو الجنسية عن طرق غير بالولادة . فأنا متلا بحمل الجنسية الفرنسية لكنها منها حقيقية لاني اكتسبتا بالزواج من فرنسي . مع العلم انون ما بفرقو بين معاملة الفرنسي الحقيقي و الفرنسي غير الحقيقي.............. ما علينا نرجع لحديثنا كنت عم قلك انو في بالغرب مسلمين بس اغلبون مدخلين يعني بالهجرة والتجنيس متلا بفرنسا وبعد الاحتلال الفرنسي للجزاير صار في هجرة كبيرة وكبيرة كتير للعرب المسلمين من المغرب العربي الى فرنسا..وكمان في نسبة كبيرة من الاتراك غير عن سكان المشرق متل لبنان سوريا والاردن المهم من بين الناس لي اجت عا فرنسا مهاجرة في المنيح [الصالح] وفي الردي [الطالح] متل باي مكان بهالدنية يعني في الي بياكول من عرق جبينو متل ما بيقولو وفي لي بيسرق لياكول بس هون الحكومة الفرنسية بتنسب المناح لالها و بتترك المو مناح وبتنسبون للاسلام يعني إذا في واحد بيشتغل وبيتعب وبدرس ولادو احسن تعليم ما بتتوجه الو الانظار .وفي واحد بيسرق وبينهب بتوجه الانظار الو و الجرايدو المحطات وبتقول شفتو المسلمين شو بيساوو . ماهاد مسلم وهادا مسلم طيب ليش شفتو هاد وتركتو التاني انا بجاوب عنون بس منشان يسودو سمعة المسلمين والعرب قدام اميركا يا جماعة انا لازم اسكت .انا لساني طويل وس بلش بالسياسة ما بوقف نعود وكلو هاد لنون ما بيعرفو حقيقة الاسلام او ما بدون يعرفوها سامحني اخي ...........انا بحكي كتير ..شو بساوي واذا ما لقيت حدن احكي معو بحكي مع حالي وصدق المتل لي بقول وبيوصف الي بيحكي كتير ....بيحكي متل قاضي معزول.........وانا محامي موقوف ههههههههههههه انت اخ غالي واهلا فيك ايمتين ما حبيت بتمنا اني كون جاوبتك بعد كل هل الحكي وما يكون بس حكي مالو طعمة وبس بيني وبينك بعرف حالي سارة -------- 25-Sep-2007, 03:06 AM وفي كتبت الاخت ( ل . الص ) السلام عليك اخت سارة ومبارك عليك الشهر الكريم وجعلك الله تعالى فيه من العتقاء من النيران انا حبيبتي دائما متابعة اخبارك وحريصة على معرفتها أول بأول وقلبي معك وروحي عندك .....الله يشفيك ويعافيك وان شاء الله هاد كله تكفير سيئات ورفع درجات سؤالي هو :ما هو اول عمل ستقومين به بعد ان ينعم الله تعالى عليك بالشفاء (وسينعمك به ان شاء الله )؟ فأمره بين الكاف والنون اذا اراد شيئا فانه يقول له كن فيكون........ اقصد ما الشيء الذي يخطر ببالك بانك ستجعلينه من الاولويات عند الشفاء باذن الله ........ وقلبي حاسسني انك ان شاء الله ستعافين ......وما ذلك على الله بعزيز ........بكرمه ان شاء الله وفضله ........وبدعاء نقي صادق من قلوب طاهرة ان شاء الله سيقبل....... فكم وكم من اناس سمعت عنهم بانهم اصيبوا بمرض مشابه وشفيوا ....فلا تيأسي من روح الله انه لا ييأس من روح الله الا القوم الكافرون ------------ 26-Sep-2007, 12:34 AM سارة في اهلا اختي ( ل. الص ) وعليكم السلام ورحمة الله وبركاته والشهر يجعلو ربي مبارك علينا كلنا ويعيدو ربي بالخير واعتقنا و إياكون من النيران ان شاء الله ما بسأل عليكي بشر اختي ( ل.الص ) سؤالك اختي جوابو بطول فأنا كمسلمة هلأ كل نظام حياتي من قبل منو مظبوط يعني حياتي كلها بدها شقلبة وقلب فوقاني تحتاني في شغلات ساويتها وشغلات مأجلتها شوي متل من الشغلات الي غيرتها هي اكلي و شربي يعني انا كمسلمة الان ما بجوزاكول الحرام او اشرب الكحول فانا صرت اتعمد جيب اللحم من متاجر المسلمين يعني المدبوحة حلال .. والمشاريب كلها نسقتا من البيت و طهرت البيت منها وان شاء الله ما تعود تفوت للبيت ابدا و الشغلات الي مأجلتها طريقة لبسي لتيابي فأنا طبعا لازم حط باعتباري اسلامي قبل ما البس اي شي طريقة تعاملي مع الناس و اختلاطي فيون الخجل وهو زينة الست المسلمة شايفة كيف حياتي بدها قلب طبعا الشي منو سهل يعني شغلات انا متعودة عليا كلها بدها تغير بس اكيد الله حيقويني واقدر على التغيرات و اكون اقوى منا كمان وكمان وبقلك او بدعي ربي ما يخيب احساسك ويشفيني وانا مني قانطة من رحمتو وكلو خير ان شاء الله لا يا ( ل ) انا ماحيأس و لاخر نفخة هوا بصدري والله لا يجعلنا من القوم الكافرين بتمنى ( ل ) كون جاوتك عا سؤالك اخت عزيزة مع حبي سارة ---------- كان المرض يداهم سارة الامورة كل ثانية في حياتها ومع ذلك فقد كانت تتحامل على نفسها مستعينة بالله ثم بعزيمتها لكي تتواجد بيننا، فهذا هو الشئ الوحيد الذي كان يزيح عنها آلامها ولو لبرهة قليلة ومع توالي الأسئلة والردود اقتبست لكم ردا من ردودها 26-Sep-2007, 03:58 AM في اهلين وسهلين والله احلى( م ) انا بس شوف اسمك بالموضوع بخاف من أسئلتك مافي داعي تشكريني عاشي هو مطلوب مني وواجب عليي .فانا هون مو لاكذب انا هون لجاوب وبصراحة ويشهد علي ربي ما حكيت الا الصراحة والله يا ( م ) حيرتيني معك. شوي بتقولي تركونا من سارة المحامية وشوي تانية بتقولي نعود لسارة المحامية اعتمدي .......... صح متل ما قلتي المحامي بنادولو استاذ لانو اخر اختبار اسمو اختبار الاستذة واللي بعدو منكون قدرنا فتح مكتب خاص .بس باللغة الفرنسية المحامي استاذmaitre بالمذكر سواء ان كان المحامي ذكر او انثى فانا أستاذ سارة واصعب المواقف لي مرت معي هي وقوفي قدام القاضي موقف المحامية والمتهمة بنفس الوقت وما عرفت دافع عن حالي متل ما بدافع عن غيري قال على رأي المتل [السكافي حافي و الحايك عريان] بشكرك اختي ( م )على تذكرك لالي بصلواتك . ان شاء الله ما بردلك ياها بشر سارة ------------- والأن إخواني وأخواتي سأخبركم عن أسعد أيام المنتدى وأعظمها حين تلقينا خبر إسلام سارة الامورة والتي كنا نعتقد أنها مسلمة في الأصل 10-Aug-2007, 05:51 PM ففي اسعدتنا وازهلتنا الدكتورة شهد بأجمل خبر وهو إسلام سارة الامورة ننقل عن لسانها الاتي هام هام هام هام هام هام هام انها معجزة اعزائي اليوم الجمعة حصلت معجزة صدقوني يداي ترجفان وعيناي تدمعان لا اعرف ماذا اكتب وماذا اقول الذي حدث هو اكبر من اي كلمة او حتى جملة او شعر سارة نطقت بالشهادتين شهادة ان لا اله الا الله وان محمدا رسول الله نعم احبائي سارة اسلمت هنيئا لكم احبابي واخواني باسلامها وبالاجر والثواب ستخبركم البقية بنفسها د / شهد -------- وقد سارع الأعضاء بتهنئة سارة على إسلامها وقد قابلتهم بكل حب وود مغمورين جميعا بدموع الفرح وكم كان محظوظا نائب المدير آن ذاك الاخ ( ع . الم ) بأن بادر بسؤال سارة الامورة عن قصة إسلامها في اسبوع استضافتها 21-Sep-2007, 04:07 AM فاجابته سارة في اهلا و سهلا ( ع. الم) اخ عزيز بشكرك اولا عا ترحيبك فيي انا توقعت تطلبو مني ذكر قصة اسلامي بس ابدا ماكنت اتوقع تكون اول الاسئلة اخي اسلامي حصل بشهر اب اغسطس الماضي بس قصتو اقدم بكتير بلشت من 7سنين تقريبا وقت ان لي تعرفت فيها عالدكتورة شهد الله يطول بعمرها وكيف حفتني بحنانها انا كنت شوفها تصلي و تقرا قران قدامي كانت تشرحلي بشكل مبسط عن لي بتعملو بعدها انا تزوجت وسافرت لباريس وزوجي كان مسيحي طبعا ما نقطعت صلتي فيها لوقت لي عرفت فيه عن مرضي واني يمكن موت باي لحظة مالي حاذكر التفاصيل فممكن تطول سبب مرضي عطوني اجازة من شغلي وبهي الفترة صارعندي وقت فراغ كبير سجلت بالمنتدى تعرفت فيه على ناس حبيتون من كل قلبي ولقيت بالمنتدى الاسلامي فيه كتير شغلات تعرفني شو هو الاسلام بصراحة كنت ادخل المنتدى الاسلامي كزائرة و ليس عضوة كنت اتاثر كتيربمواضيع متل المواضيع لي بتحكي عن يوم القيامة و عن علاماتها وكتير من الاحيان كنت ابكي خشعة بس ما كنت بالقوة الكافية لبدل ديني لي تولدت عليه وتربيت عاحكامو تقرر بعدها وقت دخولي المستشفا ............ والشي الغريب اني بالليل وحدي بغرفتي كانت صوات اجراس الكنيسة تقلقني وما تخليني ارتاح وكل ما اسال الممرضة ليش اجراس الكنيسة بتضرب ب الليل كانت تقولي مدام مافي كنيسة قريبة وما في اصوات .................... ...................وقت لي صار معي الحمى طبعا بتعرفو الاسباب مافي داعي لذكرها .. كانت حرارتي عالية كتير توصل 42درجة وطول ما انا محمومة كنت اسمع موسيقا الوداع وهي لي بشيعو معها الاموات من الكنيسة وما كان في حدن سامعها غيري وكانها كانت بتبشرني بالموت القريب احيانا كنت اسمعها بقوة كبيرة وانا ماني قادرة حتى اني اصرخ ونادي وقولهم الصوت مدايقني بعدها اجت شهد وقعدت جمبي وحطت ايدها عاراسي وصارت تقرا بصوت عالي بسم الله الرحمن الرحيم قل هو الله احد..الله الصمد..لم يلد ولم يولد..ولم يكن له كفوا احد.. صدق الله العظيم وصارت تعيدها مرات و مرات وفجئة اختفا الصوت كنت عاجزة اني قلها كملي و لاتوقفي حسيت علي اني ارتحت واخيرا اقدرت نام .................... لمن صحيت كان الوقت متاخر وشهد ما كانت موجودة قلت لحالي عهد علي بس اطلع من المستشفا بدي اسلم انا هون لقيت بحالي القوة اني اوقف بوجه الكل .....................وماقلت لحدن ولا حتا لشهد بيوم لي طلعت فيه من المستشفا كنت مع شهد سالتها كيف بيصير الانسان مسلم قالتلي انو يامن بالله وملائكته ووو ... وقالتلي لازم يقول الشهادة وانا ما بعرف شو هي الشهادة وشلون بتنقال قلتلها كيف ....قالتلي بيقول اشهد ان لا اله لا الله واشهد بان محمدا رسول الله انا وبصوت عالي بنص الشارع قلت لي قالتلي عليه............... وقفت شهد بالشارع وصارت تبكي و تقول الحمد لله الحمد لله من فرحتها حملتني لوصلنا للسيارة كنت ضعيفة بس قلبي كان اقوى من اي مرض ومن اي تعب بالسيارة قالتلي سارة ...صرتي مسلمة كنت فرحانة ولهلاء انا اسعد مخلوقة بالكون مرتاحة اذا متت على الاقل بموت مسلمة وهي القصة اخي ( ع. الم ) بتمنى اني ما كون طولت عليكم و ديقت خلاقكم سارة ---------- 24-Sep-2007, 11:55 PM وفي كتبت الاخت ( ر . الج ) هلا وغلا سارة فيك هنا وندعو الله ان يتم عليك نعمة الاسلام وان يثبتك في الحياة الدنيا وعند فتنة المحيا و الممات أختي لن أثقل عليك بأسلتي رغم اني كلي شوق ولهفة لأن أسألك أسئلة ان كتبتها هنا فلن يكفيني كل صفحات المنتدى . لي سؤالين الأول : صفي لنا شعورك في اللحظات الأولى حين انشرح قلبك للإسلام " فأعتقد انها لحظات لن تنسى " الثاني: ما هي خطة سارة ان شاء الله مع أولادها في ظل الاسلام ....ماذا تحلم سارة ان تعطيه لأولادها لينهلوا من رحيق ونعمة الاسلام التي سبقتهم والدتهم في النهل منها . وأتمنى ان لا اكون قد اثقلت عليكِ وان ضايقك اي سؤال فزيحيه جانباً تحياتي ------- 25-Sep-2007, 11:21 PM سارة في اهلا فيكي اختي( ر . الج ) بشكرك اختي عا أمنياتك الغالية لالي بأتمام نعمة الاسلام عليي وبتثبيتي بالدنية عند فتنة الحياة والموت فانا فعلا بحاجة الها اختي مع فقدان الامل بالحياة القلب بموت شوي شوي والجسد بعدو عايش ..............يا رب رحمتك بقلك اختي أنا تحت أمرك سؤالك الاول وقت ما انشرح قلبي للاسلام كان اختي على مراحل بتصور انك بدك تعرفي شعوري بأخرمرحلة وهي وقت قولي للشهادة متل ما ذكرت بالاول كنت مع ماما حطيت رجلي برا المستشفا كانت الدنيا شوب بس ماكان في شمس وقت كانت شهد عم تذكر الشهادة رد على سؤالي لالها حسيت بغصة قوية بلعت ريقي بدي روحها ما راحت وأنا عم اسمع شهد شو عمبتقول وقفت بالشارع متل ما قلتلك كانت الدنيا شوب والغصة رح تموتني انا كنت ضعيفة كتير ورجليي يالله حاملتني وشهد ماسكة ايديي وقفت مواجهها وبصوت قوي قلت الشهادة حسيت بنسمة هوا اجت من ورايي واقشعر بدني حسيت متل الكهربا باعصابي بس ماكنت موجوعة وانا عم اقولها راحت الغصة غصت بصدر امي اختي سدقيني مني حاقدر اكتبلك كل لي شعرتو بلحظتا بس لي كنت بتمنا اني موت وقتها منشان يستمر هالشعور بعظمة الله وما يشوبو شي بهالدنية واول شي فكرت فيه هنن أولادي الي ماتو لو متت بوقتها كنت انا هلأمعون بالجنة بس الله مو رايد الحمد لله على كل شي اما عن خطتي مع أولادي طبعا بدي علمون الي انا عم بتعلمو هلأولي مان مقرر انون حيضلو معي كلو بيتعلق بوضعي انا وقدرتي على تربيتون لاني حسب وضعي الصحي ممكن انون يعملوالحضانة مقسمة بيني وبين جاك حتى بعد الطلاق ووقتها عجزي حيكون العائق قدام اولادي ليتعلمو الدين الصحيح انا حأعمل جهدي و بتمنى من ربي ما يخذلني يارب يا كريم نحي عجزي و عطيني بدالو قوة لاحمي ولادي بتمنى اختي انوكون جاوبتك عن الي سألتيني عنو وانا تحت امرك ايمتين ما بدك الك حبي و تقديري سارة ------------- وقد كانت سارة الامورة رحمها الله شغوفة لتعلم الإسلام وتطبيق فرائضه قدراستطاعتها 23-Sep-2007, 06:33 PM ففي كتبت موضوع تستفسر عن صلاة التراويح اليكم ماكتبت --- استفسار بعرف انواستفساري هو بديهي للبعض بالنسبة لصلاة التراويح شلون بتصير ؟ وهي 20 ركعة على ما أظن اذا ما قدرت عليا وجب عليي قضائها؟ يا ترى في بعض الادعية اوالسور القرآنية المحددة ؟ شكرا لالكن على اجابتي مقدما سارة -------------- وقد كنا محظوظين بأن كان بيننا في المنتدي علماء أجلاء -فقهاء في الدين الحنيف- كانوا حريصين كل الحرص على تعليم سارة وتوصيل إجابة أي مسئلة فقهية بطريقة سهلة مبسطة مبينين أحكام الدين الإسلامي الصحيح دون غلو ولا تفريط 23-Sep-2007, 10:53 PM ففي كتب الدكتور / م . الس ...ردا علي استفسارها الاتي أختي الفاضلة لقد بينت في في موضوع ركعات صلاة التراويح عدد هذه الركعات والاحاديث والاقوال الواردة فان صليت أحدى عشر ركعة فخير وان جعلتها عشرين فهو زياد في الخير وكل خير والاجر مضاعف في رمضان ... وصلاة التراويح سنة وليست واجبة فان صليت حصلت على أجر (من قام رمضا ايمانا واحتسابا غفر له ما تقدم من ذنبه ) ومن قيام رمضان صلاة التراويح ... ووقتها من بعد العشاء الى ما قبل الفجر ..... ولا تقضى اذا فاتت ... وليست هناك سورة محددة تقرأ فيها أو أدعية محددة .... لك أن قراءة ماشئت من سور القرآن ولو كررت سورة في كل ركعاتها أجزأت عنك .... ولك الدعاء بما شئت من أمور الدنيا والآخرة وشكر الله لك سؤاك وشكري على الجواب .... ---------- 24-Sep-2007, 03:44 AM وفي ارادت سارة الامورة رحمها الله ان تستفسر اكثر فاكثر فكتبت شكرا اخواني بس كيف 11 وانا بصلي كل ركعتين سوا يعني بصلي 10 وآخر وحدة لحالها وبعدا بصلي 3 ركع الوتر معلش اخواني بعرف اني تقلت عليكم مشكورين سارة ------- 24-Sep-2007, 03:47 AM بعد ثلاث دقائق من إستفسارها، قام الأخ ( ع. الم ) بالرد عليها بالاتي لا أختي ساره قصدهم في 11 ركعة بالوتر يعني 8 للتراويح و3 للوتر تحياتي لك ------ 24-Sep-2007, 03:53 AM بعد تسع دقائق من إستفسار سارة قام بالرد عليها الأستاذ الجليل /أبو .... أختي / سارة تصلين ثماني ركعات ، كل ركعتين مع بعض ( تنوين بها في قلبك قيام رمضان أو التراويح )، ثم تصلين الوتر ثلاث ركعات ، ولك أن تصلي الركعات الثلاث سردا مع بعض من غير تشهد أوسط ( على الأرجح) ، أو تصلين ركعتين مع بعض ، والركعة الثالثة لوحدها ، ويستحب لك بعد الرفع من ركوع هذه الركهة أن ترفعي يديك وتدعي بدعاء القنوت : اللهم اهدني فيمن هديت ، وعافني فيمن عافيت ،...، ولك أن تدعي بما شئت من خيري الدنيا والآخرة ، ويستحب أن تختمي دعائك بالصلاة على رسول الله صلى الله عليه وسلم ------ 24-Sep-2007, 04:09 AM في بعد اجابتهم ب 16 دقيقة تواجدت سارة في المنتدي وقامت بالثناء علي كل من قام بالرد عليها بالأتي حكيتو و وفيتو الله يجزيكم الخير وصلني الجواب لسؤالي الله لا يحرمني منكم سارة ---------- نكتفي بهذا القدرمن قصتنا ، وترقبوا الجزء الثاني والأخير والذي سيرد خلاله لحظات سارة الأخيرة ووفاتها مقابلتي للدكتورة شهد وزيارتي لقبر سارة ، مع إرفاقي لصورة كنت قد إلتقطها للقبرها مع تعزية الأعضاء في وفاة سارة الامورة وفاة الدكتورة شهد أختكم ( أم طارق )[/font]
|
| |
|
30-11-2008, 06:18 PM
| رقم المشاركة : 3 (permalink) |
| وجد مشارك
|
|
| |
|
30-11-2008, 11:32 PM
| رقم المشاركة : 4 (permalink) | ||
| قلب ينبض بالحب والعطاء 
| الله يرحمك ساره و شهد  و يسكنكم فسيح جناته الف شكرا لكى حبيبتى نانا الحلوه على سرد هذه القصه الجميله التى تحمل كل معانى الصبر و الايمان و انا انتظر باقى القصه على اشد من الجمر
التعديل الأخير تم بواسطة وجه البدر ; 01-12-2008 الساعة 10:58 PM. | ||
| |
|
04-12-2008, 09:44 AM
| رقم المشاركة : 5 (permalink) |
| وجد مشارك
| اهلا و سهلا بك اختي وجه البدر
|
| |
|
05-12-2008, 10:19 AM
| رقم المشاركة : 6 (permalink) | |
| وجد مشارك
| اقتباس:
عزيزي اضم صوتي لصوتك بالدعاء لهما
| |
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
| |
 |
|  |
العرض العادي
